Ironbarkip piiaviliorniarnera pillugu innuttaasunik ataatsimiititsisoqalersoq
Innuttaasunik ataatsimiisitsinissat novembarip ulluisa 21-anni aallartissapput, Kangerlussuarmi Hotel Kangerlussuarmi Ataatsimiittarfimmi ataatsimiisitsisoqassalluni.
Ironbarkip pilersaarutai innuttaasunik ataatsimiisitsinerni saqqummiunneqartassapput, suliassamillu piginnittunut Ironbarkimut, oqartussanut, immikkullu ilisimasalinnut arlaannaannulluunniit attuumassuteqanngitsunut apeqquteqartoqarsinnaassalluni.
AAMMA ATUARUK Ironbarkip royaltymik akiliisussaannginnini aalajangiusimaannarpaa
Randi Vestergaard Evaldsen, Mala Høy Kúko Vittus Qujaukitsorlu innuttaasunik ataatsimiisitsinerni naalakkersuisut sinnerlugit peqataassapput.
Tassa, Ironbark pillugu innuttaasunik ataatsimiisitsinerit Kangerlussuarmi aallartissapput, Sisimiunilu, Ilulissanilu Nuummilu kingorna ataatsimiisitsisoqassalluni. Innuttaasunut ataatsimiisitsinerit kalaallisut danskisullu ingerlanneqassapput.
AAMMA ATUARUK Zinkimik piiaanissamik isumaqatigiissummi Royaltymik akiliuteqannginnissaq amigaataavoq