Politikki Inuussutissarsiutit

Zinkimik piiaanissamik isumaqatigiissummi Royaltymik akiliuteqannginnissaq amigaataavoq

Nunatta avannaarsuani Citronenfjordimi zinkimik piiaavissamit nunatta karsiata royaltynit isertitaqarnissaa Namminersorlutik Oqartussat naatsorsuutigisinnaassagunanngilaat. Aviisi Atuagagdliutit ullumi saqqummersoq taama allaaserisaqarpoq.

Allattoq Inge S. Rasmussen

oktobarip 14-at 2015 12:51

Nutserisoq Simon Uldum -

Aatsitassarsioqatigiiffiup Ironbark Zinkip Namminersorlutik Oqartussat misissueqqissaarnissamik 2007-imi isumaqatigiissuteqarfigaat. Tamannalu Nunatsinni suliniutinut angisuunut royaltymik akiliuteqartitsinissamik eqqussisoqarnera ukiunik arlalinnik sioqqullugu pivoq.

Tamannalu tunngavigalugu aatsitassarsioqatigiiffik isumaqarpoq royaltymik akiliuteqarnissaminik pisussaaffeqarani, taamaallaalli suliffeqarfittut akileraarutinik akiliinissaminut pisussaaffeqarluni, tusarniaanermi atortuni AG-mit misissuiffigineqartuni tamanna erserpoq.

Aamma atuaruk Ironbark zinkimik aqerlumillu piiaariaannanngortoq

Taamaalilluni Nunatta suliniummit angisuumit zinkimik piiaaviusussamit qanoq ililluni isertitaqarsinnaanera pillugu isumaqatigiinniarnissat sakkortuut ingerlanneqartussanngorpasipput.

Suliffeqarfiullu royaltymik akiliuteqarnissamik itigartitsinissamut inatsisitigut pisinnaatitaaffeqarnera Aatsitassanut naalakkersuisoqarfimmit akuerineqarpoq. Suliarli tamaanga killinngilaq.

- Tamanna oqaluuserissavarput. Imaassinnaavoq tamanna nuannarigaat, uagulli nuannarinngilarput. Isumaqatigiinniarnikkut aalajangiivigineqassaaq, naalakkersuisoqarfimmi pisortaq Jørgen Hammeken-Holm Atuagagdliutinut taama oqarpoq.

Aamma atuaruk "Citronen" kinamiut suliffeqarfiannik isumaqatigiissuteqarpoq