Ironbark zinkimik aqerlumillu piiaariaannanngortoq
Namminersorlutik Oqartussat tusagassiutinut ualimut nalunaarput, ingerlatseqatigiiffiiup tamatumunnga atatillugu inuiaqatigiit nammassinnaassusiannik aamma pinngortitamut avatangiisinullu sunniutaasinnaasunik nalilersuinerit, tassa VSB aamma VVM, inatsisitigut piumasaqaataasut nassiutereerai, kiisalu angalanerup immikkut isumannaatsuuneranik misissuinissamut siunnersuuteqareerluni.
Ullumi septembarip 23-anniit decembarip aallaqqataannut tusarniaasoqarpoq, allagaatillu tamatumunnga tunngasut nittartakkami naalakkersuisut.gl-imi atuarneqarsinnaapput.
AAMMA ATUARUK "Citronen" kinamiut suliffeqarfiannik isumaqatigiissuteqarpoq
Naalakkersuisut tusarniaanermut atatillugu Nuummi, Sisimiuni, Ilulissani Kangerlussuarmilu piffissami taaneqartumi tamanut ataatsimiititsissapput.
Aamma piiaavissaq taanna pillugu Qaanaami Tasilamilu januaarimi 2016-imi innuttaasunut immikkut ataatsimiititsissapput.
Innuttaasut tusarniaanermut atatillugu ataatsimiititsinertigut innutaasunillu ataatsimiititsinertigut paasissutissinniarneqarput piiaavissamullu tunngasunik akissutissinniarneqarlutik.
