Nunani avannarlerni aqutsisut meeqqat illersorluarnerujumallugit nalunaarummik pingaartuliortut

Nunani avannarlerni naalakkersuisut siulittaasui meeqqat inuusuttullu internetikkut pitsaanerusumik illersorneqarnissaat qulakkeerniarlugu ataatsimoorlutik nalunaaruteqarput.

Tamanna ministeriunerup allaffianit tusagassiuutinut nalunaarummi oqaatigineqarpoq.

- Meeqqat inuusuttullu isorinninnata qarasaasiakkut sammisaqartittarpavut. Tamanna taakkununnga inuiaqatigiinnullumi aamma sunniuteqaqaaq, ministeriuneq Mette Frederiksen tusagassiuutinut nalunaarummi oqarpoq.

Danmarkimi, Kalaallit Nunaanni, Savalimmiuni, Sverigemi, Norgemi, Finlandimi, Ålandimi Islandimilu naalakkersuisut siulittaasui pineqarput.

Kalaallit Nunaannit peqataapput naalakkersuisut siulittaasuat Jens-Frederik Nielsen (D) aamma nunanut allanut naalakkersuisoq Múte B. Egede (IA).

Nunat taakkua tamarmik Marienborgimi nalunaarummik pingaartumut marlunngornermi atsioqataasut, ministeriuneq oqarpoq.

- Nalunaarummik pingaartumik ullumikkut atsioqatigiinnikkut, Nunani Avannarlerneersuusugut  meeqqatta peroriartorneranni, suliffeqarfissuit teknologiikkut sullissisut pissaaneqarnerannut akerliunitsinni ataatsimoorpugut, Mette Frederiksen oqarpoq.

Maleruagassat sukannernerusut

Nunat taakkua tamarmik teknologiimik ingerlatsisut sukannernerusumik malittarisassalerneqarnissaat pisariaqartoq isumaqatigiissutigaat. Inoqammut internetikkut attaveqatigiittarfiit atuisui aalajangersimasunik ukioqalereersimanissaata piumasaqaataalernissaa, atuisullu "qarasaasianik atortorissaarutinik" namminneq pigisaminnik atuarfimmut nassartarunnaarnissaat aamma pisariaqartoq, ministeriunerup allaffia allappoq.

Aammattaaq nalunaarut pingaarutilik, suliffeqarfissuarnut teknologii atorlugu sullissisunut nunanit tamalaanit akerlilersuinermi, ataatsimoorluni akiuunnissamut iluaqutaassaaq.

- Suliffeqarfissuit teknologiimik atorlugu sullissisut malittarisassiornissaannut pisussaaffilerneqarnikkut nunamilu, EU-mi nunarsuarlu tamakkerlugu allannguiniarluta suliniuteqarnitsinnik pisussaaffilerneqarnikkut, ministeriuneq Mette Frederiksen nalunaarummi oqarpoq.

Politikkikkut suliniutit nutaat aalajangersimasut nalunaarummi pingaarutilimmi ilanngunneqarsimanersut suli paasinarsinngilaq.

Nalunaarut pingaarutilik ministeriuneq, Mette Frederiksen, Nunat Avannarliit Ministeriisa Siunnersuisoqatigiivisa ataatsimiinnerannut peqataajartorluni Finlandip illoqarfiisa pingaarnersaannut Helsinkimut marlunngornermi aallalerpat saqqummiunneqassaaq.

Danmarkimi naalakkersuisut nalunaarummi pingaarutilimmi siunnersuutigineqartutut, soorlu inoqatinut attaveqatigiittarfinni atuisut qanoq ukioqalereersimanissaannut tunngatillugu piumasaqaateqarnikkut mobilillu atuarfinni inerteqqutaalersinniarlugit, siunnersuuteqareerput.

RITZAU