Vestager: Aningaasaliissutit tamanut iluaqutitaqassapput
![Vestager Vestager](/sites/default/files/styles/image_934x467/public/article_images/img_5878.jpg?itok=FeEvau5M)
![Future Greenland 2017 Future Greenland 2017](/sites/default/files/styles/image_934x467/public/article_images/img_5862.jpg?itok=jkLAKGv4)
![Vestager Vestager](/sites/default/files/styles/image_934x467/public/article_images/img_5870.jpg?itok=QvElzVGd)
![Justus Randi Nivi Justus Randi Nivi](/sites/default/files/styles/image_934x467/public/article_images/img_5892.jpg?itok=k8PxKfRe)
Qallunaaq EU-kommissæri Margrethe Vestager, Inuussutissarsiorneq pillugu ataatsimeersuarnermi. Future
Greenlandimi, ualimut oqarlugiaammini taama oqarpoq. Margrethe Vestager ullumi oqalugiartuni qularnanngitsumik pingaarnersaavoq.
Nunatsinnilu atugarissaarnerulerniassagutta avaqqutiinnarsinnaanngisaqartugut taassuma ataaseq qularutiginngilaa:
- Arlaannik avaqqussinnaanngisaqarpat, tassaapput aningaasaliinerit, periarfissaqarlerumalluni aningaasaqarnikkut
ineriartorumalluni.
Taassuma politikkikkut eqqortumik aalajangiisoqarpat nunatsinni aningaaliinissamut periarfissagissaartoq
takusinnaavaa.
- Pingaartuuvoq, tassami sammivik suna aallarfiginiarnerlugu pingaartullu pingaarnersiornissaat ilisimasariaqarpoq,
taavalu ineriartorneqarniassammat iliuuseqarluni.
Qallunaat nunaanni De Radikalini siulittaasuusimasup Helle Thorning Schmidtillu naalakkersuisuini 2014-ip tungaanut
aningasaqarnemrut miniseriusup aningaasaliissutaajumaartussat nunatsinnut inuiaqatigiinnut tamanut
iluaqutaasariaqartut erseqqissaassutigaa.
- Aningaasaliissutit inuit ikittuinnaat sulifeqarfiilluunniit angisoorsuit kisimik aningasarsissutiginnginnissaata
eqqumaffiginissaa pingaarnerpaasoraara, Margrethe Vestager taama oqarpoq.
Demokraatip siulittaasuata Randi Vestergaard Evaldsenip EU-kommissærip oqaasiinik aamma isummersornartunik
siunnerfiusinnaasunillu pissarsiaqarnerarpoq.
- Torrasorujussuuvoq aammalu nunatsinnut politikkerinullu atorluarneqarsinnaalluni. Aningaasaliinissanut
tunngassuteqarpoq aammalu nunatsinnut unammilleqatigiinnissamut unngassuteqarluni taamaammat
tigussaasorujuullunilu atorluarneqarsinnaavoq.
Aamma inuussutissarsiortuniit qallunaap EU-kommissærip Margrethe Vestagerip oqalugiaataa nersoneqarpoq.
- Nunarsuarmi allaniit nutaani tusarnissaq iluartuaannarpoq, ingammik politikkimik misilittagaqartigisumiit,
Polar Seafoodimi siulersuisuni siulittaasoq Henrik Leth oqarpoq.