Nalunaarusiaq: Inuit marluk savilersorsimasutut politiinit tigummigallagaasut

Politiit ataasinngornerup ullaani nalunaarput, inuk ataaseq tigummigallagaasoq ataaserlu eqqartuussivimmut sassartinneqassasoq. Inuit marluk tigusat – ataaseq Tasiilami salilersorsimasutut ataaserlu Nuussuarmi savilersuiffiginninniarluni sioorasaarisimavoq.

Allattoq Nicole Sander Bertelsen

oktobarip 16-at 2023 10:11

Nutserisoq Najâraq Egede

Arnaq 50-it sinnerlugit ukiulik angullu 30-t sinnerlugit ukiulik politiinit tigummigassagaapput, aappaa savilersorsimanini pillugu aappaalu savilersornissamik sioorasaarisimanini pillugu. Kalaallit Nunaata politiivini pigaartut pisortaat Malik Olesen KNR-imut taama ataasinngornerup ullaavani nalunaarput.

Savilersorneq Tasiilami arfininngornermi ullukkut nalunaaqutaq ataasinngulersoq pivoq. Arnap angut 60-it sinnerlugit ukiulik kapisimavaa. Eqqartuussisunut sapaammi sassartinneqarami tigummigallagassanngortinneqartoq, Malik Olesen ilisimatitsivoq.

- Eqqartuussiviup aalajangerpaa arnaq ulluni 25-ni tigummigallagassanngortitaassasoq, oqarpoq.

Aamma atuaruk Politiit ullormut nalunaarusiaat: Arnaq Tasiilami savilersorsimasutut pasineqarluni tigummigallagaasoq

Arnaq angullu imminnut ilisarisimasimapput, politiilli oqaatigisinnaanngilaat qanoq.

Politiit savilersornermut suna pissutaasimanersoq paasiniarpaat.

Savilersornissamik sioorasaarineq

Arnaq angullu imminnut ilisarisimasimapput, politiilli oqaatigisinnaanngilaat qanoq.

Politiit savilersornermut suna pissutaasimanersoq paasiniarpaat.

Savilersornissamik sioorasaarineq

Sapaatit akunnerisa naaneranni pinerluuteqarsimasutut Tasiilami arnaq kisimi politiinit tigusaasimanngilaq.

Nuup Nuussuaani angut niuertarfiup Akikip eqqaani savimmik qunusaarisaqattaartoq pillugu politiit sapaammi ullaakkut qulingiluat qaangilaara kalerritipput.

- Ornigulluta misissuinitsinnit angut 30-t missaanni ukiulik sioorasaarisimasutut pasisaq tigusaraarput.

- Paasiniaanitsinni paasisagut malillugit aamma unnerluussisussaatitaasullu isumaqatigiissutigaarput angut , tigummigallagaanissaa siunertaralugu, eqqartuussisunut ullumi sassartinneqassasoq, Malik Olesen oqarpoq.

Angutip pisup assinganik siornatigut iliuuseqartarsimanera, nutaamillu pinerluuteqarnera, tigummigallagaanissaanik piumasaqarnermut pissutaasoq, pigaartut pisortaat oqarpoq.

Politiit susoqarpiarsimaneranik oqaluttuarsinnaanngikkallarput, sioorasaarisoqarsimanerali oqaatigiinnarsinnaallugu.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.