Politiit ullormut nalunaarusiaat: Arnaq Tasiilami savilersorsimasutut pasineqarluni tigummigallagaasoq

Angut 50-it 60-illu akornanni ukiulik savimmik arfininngornermi ualikkut kapineqarpoq. Arnaq suliamut atatillugu maanna pasisaavoq.

Aquttua 54-inik ukiulik nassuiaaneermini oqarpoq festeriarami taakku nassarlugit. Taamali nassuiaanera politiinit upperineqarani.

Allattoq Mads Lynge

oktobarip 15-at 2023 13:05

Arnaq 50-it 60-illu akornanni ukiulik angummik 50-it 60-illu akornanni aamma ukiulimmik Tasiilami najukkat ilaanni savimmik kapisisimasutut pasisaavoq.

Kalaallit Nunaanni Politiit pigaartuisa pisortaat Malik Olesen KNR-imut taama ilisimatitsivoq.

Politiit savilersortoqarneranik arfininngornermi ualikkut nalunaaqutaq ataasimut kalerrinneqarput. Angut kapineqartoq napparsimmaviliaanneqarpoq inuuneralu ulorianartorsiunngilaq.

- Arnaq tigummigallagaavoq suliamullu atatillugu pasisaalluni. Arnaq inatsit tunngaviusoq aallaavigalugu sapaammi ualikkut killisiorneqarpoq, tigummigallagaanissaanillu piumasaqartoqarluni. Malik Olesen oqarpoq.

Aamma atuarukAngut hashimik iioraasimasoq tigummigallagaasoq

Inuit marluk suliamut atatillugu pineqartut imminnut qanigisariipput, qanigisariinneranulli paasissutissat sukumiinerusut politiit ilisimatitsissutigisinnaanngilaat.

Savilersortoqarneranut tunuliaqutaasut suunersut politiit maanna misissussavaat.

Nutaarsiassami kukkunermik nassaarsimaguit uunga allaffigineqarsinnaavugut.