URAN Inuit Ataqatigiit uranimut taasinissamut amerlanerussuteqartut ujartoraat

- Neriuppugut partiit Atassut Partii Naleraq attaviitsorlu Naaja Nathanielsen qaaqqusinerput tigulluarumaaraat, innuttaasut pillugit naapiffigineqarsinnaasut innuttaasut uranimut tunngasumi toqqaannartumik peqataatinneqarnissaat pillugu suliaqarnerput nangissinnaaniassagatsigu, Inuit Ataqatigiimit, Sara Olsvig tusagassiuutinut nalunaarummi allapppoq.

Atassummit, Steen Lynge, Partii Naleqqamit, Per Rosing-Petersen Inuit Ataqatigiillu Inatsisartuni guppia aatsitassat piiarneqarnissaat qinngornernillu ulorianartunik akulinnik piiaanissaq pillugu inuttaasut taasitinneqarnissaannik siunnersuuteqarput.

Aamma atuaruk  Vittus: ICC-ip nalunaarusiaa ersarinnerusinnaavoq

Aamma atuaruk IA-p SF-illu uranimut inatsit isumaqatigiinngissutigaat

Atassutip Inuit Ataqatigiillu siunnersuutaat pingasunngornermi apriilip 27-ianni siullermeerneqassapput.

- Atassut siunnersuutiminnut naqqiutinik arlalinnik saqqummiussisimapput oqaloqatigiinnermilu paaserusupparput siunnersuutiminni qanorpiaq siunertaqarnersut. Siunnersuutivut pingaarnertut innuttaasunik taasititsinissamik imallit naapiffeqartissinnaanerlutigit oqaloqatigiinnerni qulaajaajumavugut, Sara Olsvig allappoq.

Partii Naleqqap siunnersuutaa maajip 12-ani siullermeerneqassaaq. 

Aamma atuaruk  URANI VIDEOLLU Folketingimi amerlanerussuteqartut urani pillugu inatsisissat akuersaarpaat