Inuit Ataqatigiit ataatsimeersuarnissaat kinguartinneqartoq
Inuit Ataqatigiit ataatsimeersuarnissaat kinguartinneqarpoq nuunneqarlunilu
Inuit Ataqatigiit siulersuisuuneri ullumikkut ataatsimiinnerminni nalilersuereerlutik Inuit Ataqatigiit Qaqortumi ataatsimeersuarnissaat aggustip arfernaniit arfineq-pingajuat ilanngullugu pisussaagaluaq taamaatiinnarniarlugu aalajangiuppaat.
Taamaalillunilu Inuit Ataqatigiit ataatsimeersuarnissaat septembarip 17-ianiit 19-ainut 2021 pisussanngorlugu.
AAMMA ATUARUK Inuit Ataqatigiit ataatsimeersualersut
Taamatut aalajangiinermut patsisaavoq ullumikkut COVID-19-p tuniluunnerata sakkortusinera, killilersuutillu juulip naanissaanut sivitsorneqarneri.
- Inuit Ataqatigiit pingaartippaat COVID-19-ip ilungersunartorsiortitsinerani akisussaassuseqartumik iliuuseqartuarnissaq inuiaqatigut eqqarsaatigalugit kiisalu pisortat innersuussutaat killilersuutaat ataqqillugit malittuarumagatsigit tunillaassuunnerup minnerpaaffianiitsittuarnissaa anguniarlugu, partii taama nalunaarummini allappoq.