Inuit Ataqatigiit ataatsimeersualersut
Inuit Ataqatigiit nalinginnaasumik ataatsimeersuarnerat Ilulissani ualimut ammaanersiorneqassaaq.
Allattoq Karsten Sommer
februaarip 03-at 2017 05:46
Nutserisoq Simon Uldum -
Peqataaniarlutik nalunaarsimasut 70-iupput, ataatsimeersuarnerlu partiip siulittaasuanit Sara Olsvigimit ((ullumi)) tallimanngornermi ammarneqassaaq.
Ammaanersiorneq pereerpat ataatsimeersuarneq arfininngornermi pisortatigoortumik aallartissaaq, partiillu ukiuni aggersuni anguniagassai sapaatit-akunnerata naanerata sinnerani oqallisigineqassallutik.
Siulittaasuusisimasut, Aqqaluk Lyngep Tuusi Motzfeldtillu oqalugiarnerisa saniatigut aamma Skandinaviami partiit arlallit peqataatitaqassapput - ilaatigut Danmarkimeersut SF aamma Enhedslisten, kiisalu Inuit Ataqatigiit Islandimi, Sverigemi Norgemilu partiit suleqatigisai saqqummiussissallutik.
Ataatsimeersuarneq sapaatiuppat unnukkut naammassissaaq.
