Inu:it: Ammanerulersitsinnginneq akisunaarparput
Oqarasuaatit angallattakkat attaveqaataannik ammaassisoqassasoralugu qarasaasianik sullissivik Inu:It aningaasaliivoq,.
- Tupattupilorujussuuvunga kikkumi tamarmik aamma Tele-Post naatsorsuutigisimammassuk ammaassisoqassasoq, qarasaasianik sullissivimmi Inu It-mi pisortaq piginnittorlu Martin Gjødvad KNR-imut oqarpoq.
Tamanna pissutigerpiarlugu suliffeqarfik fem million kr-nik aningaasaliivoq, Nuummi mobilikkut attaveqaatip 4G-ip atulernissaanut immikkoortitsisoqarluni attaveqaallu taanna ullumikkut atulersinnaasimagaluarpoq, mobilit attaveqaataannik tuniniaaneq ammaanneqarsimagaluarpat.
Aamma atuaruk Nalunaarasuartaateqarnermik ammanerulersitsiniarneq unitsinneqarpoq
Telemi attaveqaatinik ammaannerulersitsisoqanngimmat taama aningasaliineq asuliinnarneruvoq.
Napparutit napparneqartut internetimut atuinermut taamaallaat atorneqarsinnaapput
- Mobilit attaveqataat tamanut suli ammaanneqanngitsut napparutit aqqanillit attaveqaammut 4G-mut atorneqarneqartussat aningaasaliiffigineqarsimanerannut siusinaarpallaartoqarneranik isumaqartoqarpat paasisinnaavakka, Martin Gjødvad oqarpoq.
- Ammaanerulersitsinissaq kikkut tamarmik naatsorsuutigisimavaat, ilumoorpoq oqartoqarsinnaammat siusinaarpallaarpusi, Martin Gjødvad oqarpoq.
Aamma atuaruk Ammanerulersitsiniarneq isumaqatigiinngissutaasoq
Inu:it- mi pisortap Copenhagen Economicsip nalunaarusiaa inersuussutigaa, tassani inerniliunneqarpoq, ammaassinerulerneq inuiaqatigiinnut ukiumut 69 aamma 112 million kr-nik iluanaarutaassinnaasoq, atuisunut akikinnerulerluni pitsaanerulerluniluni.
Taamaattumik naatsorsuutigineqarsimanngikkaluarpoq, kalaallit nunaanni oqarasuaatikkut attaveqaatit tuniniarneqartarnerisa ammanerulersinneqarnissaannut inatsisartut itigartitsinissaat, Martin Gjødvad oqarpoq.
Internetikkut tuniniaanerup ammanerulersinneqarneranit ukioq ataasinngulersorlu Martin Gjødvadip neriuutiginngilaa, ammanerulersitsineq politikerinit atorunnaarsinneqassasoq, qarasaasianik sullissivimmi Inu IT-mi pisortaq piginnittorlu Martin Gjødvad KNR-imut oqarpoq.
AAMMA ATUARUK NALUNAARUSIAQ Telekkut sullissineq ammanerulersinneqarpat iluanaarutaassaaq