Assi: Tele-Post

NALUNAARUSIAQ Telekkut sullissineq ammanerulersinneqarpat iluanaarutaassaaq

Nunatsinni telekkut sullissinermik niuffatiginninneq unammilleqatigiinnermut ammaanneqaraluarpat, inuiaqatigiinnut 69 millionit aamma 112 millionit koruunit akornanni iluanaarutaassaaq, atuisartullu akikinnerunerusunik pitsaanerusunillu atugaqalersinnaapput

Copenhagen Economicsip nalunaarusiaani Naalakkersuisut suliakkiutigisimasaanni taama inerniliisoqarpoq.

Ammanerulersitsinerli akilersinnaassappat, immikkoortut pingasut naammassineqaqqaartariaqarput.

Siullertut, pinginneqatigiiffiit, oqarasuaatinik angallattakkanik neqerooruuteqartut, tamarmik namminneq antenneqarnissamik periarfissaaqassapput, taamaaliornikkut namminneq attaveqaatinik ineriartortitsisinnaassagamik.

Taamaaliornikkut piginneqatigiiffiulerumaartut ullumikkut neeqeqoorutigineqartunit allaanerusunik neqerooruteqarsinaalissasut, Copenhagen Economics oqarpoq, taamalippallu atuisartut nioqqutinik amerlanerusunik pitsaanerusunillu qinigassaqalissapput.

Aamma atuaruk Telep namminersortunngorsarneqarnissaanut Kalaallit Nunaat piareersimanngilaq

Tele avinneqassaaq

Tulliatut, TELE-POST ullumikkut nalunngisarput avinneqassaaq, ilaa niuertarfinnut angisuukkaanik niuertunngortillugu, taassuma attaveqaqatigiinnermut atortulersuutit pigissallugit - tassa imaatigut attaveqaatit, sakkortusaaviit, qaammataasakkullu attaveqaatit - ilaalu atuisartunut kiffartuussinermi ataasiakkaanik nioqquteqartarfik.

Taamatut agguinissamut peqqutaavoq, nalunaarasuartaateqarnermik ingerlatsivik Namminersorlutik Oqartussanik pigineqartoq unammillertinit nutaanit ajunnginnerusumik inissisimassanngimmat. Taamaaliornikkullu attaveqatigiinnermut atortulersuutinit atugassarititaasut tamanit assigiimmik atorneqarsinnaassapput.

Aamma atuaruk Mobili: Tele-Post annilaangasaarivoq

Innuttaasut sumiikkaluarunik internetteqassapput oqarasuaateqarlutillu

Kingullertullu pilersuinissamik pisussaaneq atulersinneqassaaq, atuisartut sunik pisinnaanerannik taakkualu qanoq akeqassanerannik minnerpaaffiliisumik. Copenhagen Economicsilu naapertorlu nunatsinni atuisartut sumiikkaluarunilluunniit oqarasuaatinut internettimullu attaveqaateqarsinnaanissaat tamassuma qulakkiissavaa.

Avinngarusimanerusuni attaveqaatinik pilersuinermi amigartooruteqarneq attaveqaateqarnermik sulialinnit tamanit matussuserneqassaaq.

Piumasaqaatillu tamarmik naammassineqarpata, telekkut sullissinermik niuffatiginninnermik ammanerulersitsinissaq Copenhagen Economicsip kaammattuutigaa.

Aamma atuaruk Combyimi pisortap attaveqaatinik unammillertoqartikkusuppaa

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat