URANI Innuttaasut taasitinneqarnissaat 2 millionit koruuneqassaaq
Namminersornerlu pillugu inatsisissap 2008-mi taasissutigineqarnerani aningaasartuutit aallaavigalugit innuttaasut taasitinneqarnissaat 2 millionit koruuninik missaanni akeqassasoq, naalakkersuisoq Vittus Qujaukitsoq akissummini allappoq.
Steen Lyngep apeqquteqaatimini tunngavilersuutai tupaallatsitsipput.
Aamma atuaruk Steen Lyngep siunnersuutini tunuartippaa
Tassanimi allappoq, uranitalimmik piiaanissat aallartinneqarsinnaanerat sioqqullugu innuttaasut taasisitsinnikkut tusarneqarnissaat Atassutip qineqqusaarutigigaa.
Innuttaasullu taasitinneqarnissaannik Inatsisartut upernaakkut ataatsimiinnissannut siunnersuuteqarnissaminnut atatillugu taasititsineq qanoq akeqassanersoq apeqqutigalugu Steen Lynge aamma allappoq.
Aamma atuaruk Steen Lynge: Uranimut naaggaarluinnarneq taasissutigineqassanngilaq
Aamma atuaruk Uranitallit pillugit taasisitsinissamik kissaateqarneq akerliunerlu
Steen Lyngelli apeqquteqaateqareerata kingorna, urani pillugu innuttaasunik taasititsinissaq pillugu, parteeqatiminit naalakkersuisoqatigiinnillu sinnerinit isumaqatigineqanngitsoq paasinarsimmat, innuttaasut taasitinneqarnissaat anguniarunnaarlugu, Steen Lynge oqarpoq.
Aamma atuaruk Partii Naleraq: Atassut aalajangiiffigisassatut siunnersuuteqartariaqarpoq
Aamma atuaruk Urani pillugu innuttaasunik taasititsiniartoqarnera Avatap nuannaarutigaa
Innuttaasulli taasitinneqarnissaat qanoq akeqassangatinneqarnersoq maanna paasissutigineqarpoq.
Akissummilu atuarneqarsinnaavoq, 2008-mi taasisitsinerup ingerlanneqarnissaanut 500.000 koruunit missaat atorneqartut, sinnerilu 1.520.000 koruunit paasisitsiniaannernut oqallititsinemullu tapiissutigineqartut.
Aamma atuaruk Urani pillugu taasisitsisoqassanersoq apeqqutigineqarpoq
