Innuttaasut angerlarsimalersut nunani allamiittut allattorsimaffianniikkunnaarnissartik eqqaamassavaat
![](/sites/default/files/styles/image_934x467/public/article_images/kangerlussuaqcoronadone.jpg?itok=DMYQGNPU)
Nunatsinni innuttaasunut nunatta killeqarfiisa avataanniissimagunik ’danskit nalunaarsuiffiannik’ taaneqartartumi allassimanertik taamaatissallugu eqqaamassavaat.
Danskit nalunaarsuiffiat naatsumik:
Taamaammat Europamut ungasinnerusunulluunniit angalagaangavit Danskit nalunaarsuiffiannut allatsittariaqarputit. Aamma nunani allani aalajangersimasumik najugaqaruit tassunga nalunaarsorsinnaavutit. Aallannginninni angalaninniluunniit allatsissinnaavutit. Nalunaarsorneqarneq nammineq kajumissutsimik iliuuseqarneruvoq.
Tusarfik: Nunanut allanut tunngasunut ministereqarfik
Nunanut allanut tunngasunut naalakkersuisoqarfik tusagassiuutinut nalunaarummi allappoq.
- Nunaniit allaniit naalagaaffeqatigiiffimmut (Kalaallit Nunaat/Danmark/Savalimmiut) uteruit, allattorsimaffimmiit peernissat pisariaqarpoq, Nunanut Allanut Ministeriaqarfiup utersimasutit ilisimaniassammassuk, tusagassiutinut nalunaarummi allassimavoq.
Pingaaruteqartoq, naalakkersuisoqarfik erseqqissaavoq.
AAMMA ATUARUK Naalakkersuisoq: Efterskolertut Danmarkimiiginnartariarput - angerlarniarunilli akiliunneqarsinnaapput
Danskit nalunaarsuiffiat tassaavoq naalagaaffeqatigiinni innuttaasut matumani danskit, savalimmiormiut kalaallillu nunami allamiikkunik allatsiffigisinnaasaat.
Taamaalilluni nunanut allanut tunngasunut ministereqarfiup taakku pisariaqalissagaluarpat attavigisinnaasarpai.
Nalunaarsuiffimmut ilanngunnissaq nammineq kajumissutsimik allatsiffiusarpoq, allatsissimagaannilu allassimajunnaartoqartassalluni. Innuttaasut nunatsinnut angerlareersimasut app-ikkut bbb@um.dk-kulluunniit ilaajunnaarlutit nalunaarsinnaavutit.
Kinami siorna decembarimi coronaviruseqartoq paasineqarmalli virusi nunarsuarmi sumiiffipparujussuarnut siaruaappoq. Tamanna pissutigalugu innuttaasorpassuit nunami allami sumiiffinni assigiinngitsuniittut nunatsinnut angerlarput.
Nunatsinni maanna marlunnik tunillatsissimasoqarpoq, taakkulu tamarmik Nuummi najugaqarlutik.