Innuttaasunut akeqanngitsumik maileqartitsinissaq sulissutigineqartoq
Taamaaliornikkut tatiginanngitsutut nalilerneqaqqinnissaq pinaveersaartinneqassasoq Namminersorlutik Oqartussani IT-qarnermut pisortap oqaatigaa.
Digitalimik Aqutsinermi Sullissisoqarfiup innuttaasunut akeqanngitsunik maileqarfigisinnaasaannik ilusilersuileruttorput. Namminersorlutik Oqartussani IT-qarnermut pisortap Tony Ditlevsdalip oqaatigaa.
Tamanna pivoq Namminersorlutik Oqartussat Microsoftimit tatiginanngitsutut nalilerneqarnermi kingorna sapaatip akunnerini pingasuni mattussaaqqanerminni attaveqarniarnermut ajornartorsiuteqareerneranit.
- Ajornartorsiut kingumut misigeqqikkumanagu Naalakkersuisut innuttaasut maileqalernissaat periarfississavaat, Tony Ditlevsdal oqarpoq.
AAMMA ATUARUK Namminersorlutik Oqartussat innuttaasunut attaveqaqqissinnaalersut
Maileqarfiusinnaasumik kikkunnit tamanit atorneqarsinnaasumik pilersitsiniarneq ajornaatsuinnaanngilaq, suliniummullu aningaasaliisoqarnissaa pisariaqartinneqarluni.
Attaveqarniarnermulli ajornakusoortoqaqqissanngippat iliuuseqartoqarnissaa pisariaqartoq IT-mi pisortaq oqarpoq.
- E-boksip assigisaanik kalaallisuunngortillugu sanasoqarsinnaavoq, tassuuna oqartussat attaveqaqatigisinnaanngorlugit.
Microsoftip Namminersorlutik Oqartussanut mattusseqqanini sisamanngormat atorunnaarsippaa.
Tamanna pivoq Namminersorlutik Oqartussat sapaatip akunnerini pingasuni aaqqiiviginiarsarereerlugu ilutsinnginnamikku tusagassiutinut nalunaaruteqareersullu.
AAMMA ATUARUK Microsoftip Naalakkersuisut blacklistersimavai
AAMMA ATUARUK Nittartakkatigut attaveqarniarnerup ajornakusoornera erloqititsivoq
AAMMA ATUARUK Mattussineq sillimaniarnermut ilaavoq
