Namminersorlutik Oqartussat innuttaasunut attaveqaqqissinnaalersut
Namminersorlutik Oqartussat Microsoftimit tatiginanngitsutut nalilerneqarlutik attaveqarsinnaajunnaarlugit mattunneqarsimasut marlunngormat unnukkut tusagassiuutinut nalunaarutigaat.
Taamaaliortoqareertorlu suliaq sukkanerusumik ingerlanneqarsimasoq, Namminersorlutik Oqartussani IT-mi pisortap Tony Ditlevsdalip paasissutissiissutigaa.
- Tusagassiuutitigut innuttaasut tusarlerneqarmata aatsaat Microsoftikkormiut qisuariapallapput. Tusagassiuutillu aqqutigalugit atuarpara Microsoftikkut supportiminnut anngussimasinnaannginnerput ajuusaarutigigaat.
AAMMA ATUARUK Microsoftip Naalakkersuisut blacklistersimavai
Namminersorlutik Oqartussat taama misigisaqaqqikkumanatik aaqqissutissamik suliaqarput.
- Kingumut taamatut pisoqaqqunagu Digitalimik Aqutsinermi Sullissisoqarfimmit innuttaasunut akeqanngitsumik toqqaannartumik mailitaartissinnaalernissaat maanna sulissutigaarput, IT-mi pisortaq Tony Ditlevsdal oqarpoq.
AAMMA ATUARUK Nittartakkatigut attaveqarniarnerup ajornakusoornera erloqititsivoq
AAMMA ATUARUK Mattussineq sillimaniarnermut ilaavoq
