Assi: Marie Kuitse Kristensen

Inunnik sullissisut Innimisunnatik sullissinissaminnut ilinniutissaqalersut

Nunatsinni angerlarsimaffinni eqqissiviilliornerit siorna politiinut unnerluutigineqartartut katillugit 2282-iupput, ukiunilu kingullerni tallimani amerlatigiinnarsimallutik. Inunnillu sullissisuugaanni angerlarsimaffimmi eqqissiviilliornermi eqqugaasimasut sullisissallugit ilaatigut sakkussat naammattanngimata ilinniartitsinermi najoqqutassiamik nutaamik, Kattunneq Mary Fonden suleqatigalugu saqqummersitsivoq.

"Anaanat nuannarinngilara. Kammalaativinaasiit ajortumik sunnernialerpaatit" aappariinnermi ajornartorsiornerit pileraangata aappaasup aapparisami mattukkiartuaaleraangagu ilaatigut taamatut oqalunnerit aallarniutaasartut qimarnguimmi sullissisut oqaatigaat.

Ajornartorsiortullu sullinnissaannut ilaatigut sakkussat tigussaasut naammattanngitsut, Kattunnermi ilinniartitsisuusoq, Nuka Fleischer oqarpoq.

- Sakkussanik amigaateqarneq, taavalu innimisunneq, nalorsarneq, nalornineq qanoq ikiueqqinnissamut ingerlaqqinnissamut aporfiujuartarsimavoq, Nuka Fleischerip oqarnera naapertorlugu innunnik sullissinermi innimisunnginnissaq pingaaruteqarpoq. Taamaammat suleqatit piareersaqatigisinnaanissaat taassuma innersuussutigaa.

- Qanoruna ililluni persuttaaneq oqaluuserineqarsinnaasoq, qanoq apersortoqarsinnaava. Apersuinnginnermilu suliffeqarfiit immaqaluunniit ilinniartut misilittaaqqaarsinnaapput sungiusarlutik.

Atuakkap saqqummersinneqarneranut siunertat ilagaat inunnik isumaginnittunngorniartut ilinniarnermi nalaani atuagarsornerminni angerlarsimaffimmi persutaasarnermi nalaataqarsimasut sullinnissaannut ilinniartassagaat. 

Ilinniartuniillu nunatsinnut tulluussakkkamik najoqqutassialiortoqarsimanera nuannaarutigineqarpoq.

- Iluarpasittorujussuuvoq. Ingasappoq qanoq ikiuiniarnissamut siunnersuisuummat. Soorlu vold speralimik qanoq ikiuissuugut, taavalu takuara meeqqaat oqaloqatigiinnermi qanoq ikiorsinnaallugit, Inunnik isumaginnittunngorniarluni ilinniartoq Sara Olsvig Sandgreen KNR-imut taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat