Suliniutip takornariat nunaqavissullu naapitsilluassagai
Atlantikup Avannaani takornariartitseqatigiiffiit tallimat tusagassiuutinut taama nalunaaruteqarput.
Visit Greenlandimi pisortap tullia naapertorlugu najoqqutassiornerup takornariat nunaqavissullu naapitsilluarnerusinnaavai.
- Anders La Cour naapertorlugu kulturinit assigiinngitsorujussuarneersuugamik imminnut paaseqatigiinnissaat pingaaruteqartupilussuuvoq.
Nunaqarfinni ataasiakkaani innuttaasut takornariat qanoq pissusilersornissaannut namminneq najoqqutassioqataasinnaasut, pisortap tullia oqarpoq.
AAMMA ATUARUK Silap pissusiata allanngoriartornera takornariaqarnermut iluaqutaasinnaasoq
Najoqqutassat tassaasinnaapput takornariat nunaqarfiup sukutsitaanukarsinnaanerannik ilitsersuutit, qanorlu ililluni nunaqarfimmiut oqaloqatigineqarsinnaanersut.
Nunaqarfiit takornariartitsinerup ineriartortinneqarneranut peqataassagunik taama suleqataasariaqartut Anders La Cour oqarpoq.
- Nunaqarfinni takornariartitsineq ineriartortinneqassappat pisariaqarluinnarpoq takornariartitsinerup takornarianut nunaqarfimmiunullu nuannersumik misigisaqarfiunissaa, Visit Greenlandimi pisortap tullia Anders La Cour oqarpoq.
AAMMA ATUARUK Takornariat imigassaarutit amerlisikkaat
AAMMA ATUARUK Der kommer flere turister til Grønland end nogensinde før