Nunatsinnut takornariat amerliartortut
Nunatsinnut takornariartartut aatsaat taama amerlatigisut nalunaarsorneqarput. Siorna takornariartut ukiup siulianut sanilliullugu 5.300-inik amerleriarsimapput. Takornariat aasaanerani ulapaarfiusartup avataatigut tikittartut amerleriaataat maluginiagassat annersaraat.
Allattoq Aviâja Kilime
februaarip 28-at 2017 16:43
Nunatsinnut umiarsuarlutik takornariat amerlanerpaartaat kitaata avannaanut angalanissartik toqqartarpaat.
Amerleriaataasulli maluginiagassat timmisartukkut angalasuusimapput.
-Nuummukartut Kangerlussuarmukartullu amerleriarujussuarsimanerat takuneqarsinnaavoq, Visit Greenlandip pisortaata tullia, Anders Ullrich La Cour oqarpoq, nangillunilu:
-Kisitsisit soqutiginarluinnartut takuagut. Ingammik februar, marts apriilimilu amerleriarsimanerat takusinnaavarput. Allaammi ulapaarfitsinni takornarianiit amerlaneruppulluunniit. Takornariartartummi amerlanerpaartaat julimi augustusimilu siornatigut takornariartarput.
Ilanngutassiaq itisililaq unnummut nalunaaqutaq 19.00 Qanorooq-mi takusinnaavat.