Inatsisartuni ullormut pisussat

Siulleq Michael Rosingip Demokraatineersup siunnersuutigaa, taanna innuttaasut immikkut tamarmik kiassarnermut atukkaminnik taamaallaat akiliisaleqqullugit, Nukissiorfinnit kiassarneqartut tamarmik immikkut uuttuusersorneqarnissaannik siunnersuuteqarpoq.

Naalakkersuisut siunnersuut akuersaarpaluppaat, teknikkikkulli aningaasatigullu kingunissaanik misissuisoqartariaqarsoralugu.

Michal Rosingip aamma siunnersuutigaa kinaassutsimut uppernarsaammik nuna tamakkerlugu atuuttussamik eqqussinikkut innuttaasut pisortanut attaveqartarnerat oqilisarneqarsinnaanersoq Naalakkersuisunit misissorneqassasoq.

Naalakkersuisut siunnersuutigineqartoq isumaqataaffigaat, kinaassutsimullu uppernarsaammik eqqussisoqarsinnaanera digitaliseerinermik periusissamut nutaamut maanna suliarineqartumut ilanngunneqarnissaa siunnersuutigalugu.

Steen Lyngep Atassummeersup siunnersuutigaa peqqinnissamut tunngasutigut sullissisut aamma tarnip pissusaanik ilisimasallit suliffeqarfinni namminersortuni sulisut ilinniakkaminnut tunngasutigut sulinerat pillugu malittarisassanik erseqqinnerusunik Naalakkersuisut aalajangersaassasut. Siunnersuullu Naalakkersuisunit ilalerneqarpoq.