Imminut toquttarneq sammineruleqquaat
Nunap inuiisa akornanni imminut toquttarneq sammineruleqqullugu Canadami naalakkersuinermik suliallit ilaanit tusagassiorfiit kajumissaarneqarput, .
Imminut toquttarnerit pitsaaliorniarlugit suliniaqatigiit isumasioqatigiinneranni, Ontariomi guvernørip sinniisussaata, James Bartlemanip, tamanna saqqummiuppaa.
Nunaqavissut qanoq misigisimanerat canadamiut amerlanersaasa eqqarsaatigineq ajorunaraat, James Bartlemanip erseqqissarpaa. Canadami nunap inuiisa imminut toquttarnerisa amerlassusai taassuma aamma annilaajallaatigaa.
- Imminut toquttarneq ammasumik oqallisigineqartariaqarpoq. Tamanna pillugu ammasumik oqallisinngikkutta, toqqissisimasumillu iliuuseqarfiginngikkutsigu, ajornartorsiut qaangernavianngilarput, guvernørip sinniisussaa oqarpoq.
Imminut toquttarnerup tusagassiutini sammivallaarneqarnerata kingunerisaanik, imminut toqunnissamut kajumittoqalersinnaanera ilisimatuut isumasioqatigiinnermi peqataasut mianersoqqussutigaat.
