Politiit unnuaanerani nalunaarutaat: Imigassartorsimallutik biilertut Nanortalimmi Ilulissanilu unitsinneqarput
Unnuaanerani aqqusinermi eqqissiviilliortitsisut ulapputaasimasut politiit pigaartuisa pisortaat Aputsiaq Hansen taama oqarpoq.
Imigassartorpallaarsimallutik biilertut marluk aamma tigusarineqarput, Aputsiaq Hansen politiit pigaartuisa pisortaat taama oqarpoq.
Ippassaq nalunaaqutaq 14.17 Nanortalimmi politiit imigassartorsimasumik aquttoqarneranik pasillerlutik biili unitsippaat. Arnaq aquttoq imigassartorsimanermut uuttuummik supusitinneqarnermi kingorna paasineqarpoq imigassartorpallaarsimasoq.
Aaversinnerit imigassartorpallaartoqarsimanera uppernarsarpaat
- Arnaq tigusarineqarpoq napparsimaviliaanneqarlunilu, tassani qanoq imigassartorsimatiginersoq uuttoqqissaarneqarluni. Taamaattoqareermat arnaq iperagaavoq. Aputsiaq Hansen pigaartut pisortaat taama oqarpoq.
Ullaaq Ilulissani politiit nalunaarfigineqarput imigassartorsimalluni biilertoqarsimaneranik. Angut 30 missaanik ukiulik imigassartorpallaarsimasoq imigassartorsimanermut uuttuummi paasineqarpoq.
Angut aaversissalluni napparsimaviliaanneqarpoq kingornalu iperagaalluni.
