VIDEO IMAK: Ilinniarfissuaq sakkukippallaarpoq
Ilinniartitsisunngorlaat Ilinniarfissuarmi ilikkagassaagalui ilinniartitsisutoqqanit ilinniartitsissutigineqartarnerat IMAK-imit ilisimaneqarpoq.
- Maluginiartagarput IMAK-iminngaanniit imaappoq, atuarfinnut pigaangata pisortat pikkorissut aamma ilinniartitsisut pikkorissut tapiilluartarput, tapersersuillutik ikiuulluartarput. Taannali kisianni ilinniartitsisunngorniarfiup isumagisussammagu taanna tikkuartariaqarsoraara. Ilinniarfissuaq qaffasinnerusariaqarpoq, IMAK-ip siulittaasua Karl Frederik Danielsen KNR-imut oqarpoq.
Aamma atuaruk Ilinniarfissuarmi ilinniartut piumasaqaatitaqarnerusumik ilinniarusupput
Ilinniartitsisunngorlaat piviusoq takugaangamikku sakkussaaleqisarnerat takornartaanngitsoq IMAK-imit naluneqanngilaq.
- Tassa unammillernartorsuuvoq ilinniartitsisunngorluni, qangaluunniit aamma ilinniartitsisunngorsimagaluaraanni. Imaappoq, ulluinnarni pissutsit piviusut takusimanngikkaanni, misigisimanngikkaanni, angajoqqaanik oqaloqateqarsimanngikkaanni, angusakkanik allagaqarsimanngikkaanni taavalu aamma atuartut kinguaassiutitigut atornerlukkat naapissimanngikaanni praktikernermiluunniit taava ulluinnaq tikikkaanni taannalu sammisimanagu unammillernartut annertusassaqaat taakkuulluni, Karl Fredrik Danielsen oqarpoq.
Aamma atuaruk Kommunit: Ilinniartitsisut suliaminnik aallussilluarput
Aamma atuaruk Rektorip Ilinniarfissuarmi pisortaq taarserpaa