VIDEO Ilinniarfissuarmi ilinniartut piumasaqaatitaqarnerusumik ilinniarusupput

Ilinniartitsisutut Ilinniarfissuarmi naammassisartut pisinnaassakippallaartartut nalunaarusiap takutippaa.

- Isumaqatigivara uani soorlu atuarfimmi maani Ilinniarfissuarmi ilinniartut piumasaqaatitalimmik ilinniarnerat taana appasittutut nammineerlunga nalilersinnaagakku, Kirstine Kreutzmann Ilinniarfissuarmi 4. semesterimi ilinniartoq KNR-imut oqarpoq.

Aamma atuaruk Kommunit: Ilinniartitsisut suliaminnik aallussilluarput

Ilinniarfissuarmi ilinniarnerup qaffasissusaa ajorluinnartumik inissisimasoq nalunaarusiap ersersippaa. Ilinniarnerlu piumasaqaatitaqarnerusariaqartoq ilinniartumit ujartorneqarpoq.  

- Ilinniartuulluni nammineq malunnarpoq misigaluni ilinniartitsisunit piumaffigineqarneq annertunerusariaqartoq, Inuk Ostermann Sørensen Ilinniarfissuarmi 4. semesterimi ilinniartoq oqarpoq.

Aamma atuaruk Rektorip Ilinniarfissuarmi pisortaq taarserpaa

Taannali kisimiinngilaq misigisimasoq, ilinniartitsisut pisinnaasaat qaffasinnerusariaqarnerinik.

-  Uannut iluaqutaasaaq ilinniartitsisut uannut naatsorsuutigisaat takusinnaagukkit taavalu piumaffigineqarnera naapertorlugu nammineq puimasakka kivitseqataasinnaappata, maluginiarneqarlunga, isigineqarlunga nalilersorneqarlungalu, Kirstine Kreutzmann oqarpoq.

Tassa ilinniartitsisut pikkorinnerusinnaapput?

- Aappi, Kirstine Kreutzmann akivoq.

Aamma atuaruk Ilinniarfissuaq EVA-p naliliinerani angusinngitsoortoq

Ilinniarfissuarmi bachelorinngortut 15-it inaarutaasumik allaaserisaat avataaneersunit naliliiffigineqarnerani erserpoq Ilinniarfissuarmi naammassisartut karakterii qaffasippallaartumik inissinneqartartut.

Angusisut taakku 15-iusut, Danmarkimi misilitsissimasuugunik affai ilinniartitsisutut angusisimanavianngitsut nalunaarusiami erserpoq.

Tamanna pillugu Tine Pars Ilisimatusarfimmi rektori studiami pulaartorineqarpoq.

Nalunaarusiaq (qallunaatut) uani aaneqarsinnaavoq.