Ilulissani takornariat pillugit periusissiaqanngilaq
Suliniut Newportimik taaguusilik 2800 meterisut takissusilimmik mittarfik, tulattarfillu nutaaq iluaqutigalugit takornariarpassuarnik Ilulissanut tikititsiniaraluarpoq.
Aamma atuaruk Qaasuitsup Kommunia takinerusumik mittarfeqalerusuppoq
Eqqoqqissaarlugu takornariat ullumi tikerartartunut sanilliullugit sisamariaataat, tassa 174.122-t ukiuni 15-ini tullerni tikerarnissaat ilimagineqaraluarpoq.
Aamma atuaruk Dorphip pilersaarusiarsuaq unitsittariaqarpaa
Takornariat taama amerlatigeqqissaartut tikinnissaat nalunaarusiami "Kalaallit Nunaata Danmarkillu akornanni niuernermi inuussutissarsiutitigut suleqatigiinnerup siuarsarnera"- mi, Naalakkersuisunit, Danmarkimilu Inuussutissarsiornermut ineriartortitsinermullu ministereqarfimmit februarimi saqqummiunneqatumi, naatsorsorneqarsimapput.
Nalunaarusiamili aamma ersersinniarneqarpoq, takornarissanik tikisitsineq, tikereernerisalu kingorna sullinneqarnerat suliaasut marluk assigiinngitsut.
Aamma atuaruk Kirkegaardip Ilulissani mittarfiup tallineqarnissaa siunnersuutigaa
Suli periusissiaqanngilaq
Takornarissallu tikereersut sullinneqarnissaanut takornariat pillugit periusissiaqarnissaq pingaaruteqarluinnarpoq.
Qaasuitsup Kommuniali ullumi taamaattoqanngilaq.
Kommunimilu borgmesterip, Ole Dorphip tamanna aamma nassuerutigaa, periusissiarli maanna sulissutigineqartoq borgmesterip ersersinniarpaa.
- Takornariaqarnerup pilersaarusiuuffigineqarnissaa massakkut suliarineqarpoq. Naammasseqqajaavoq. Ukiassaru naammassineqassaaq. Taava kommunalbestyrelsimut saqqummiunneqassaaq, tassanilu akuerineqarsinnarluni tassa naammassineqassaaq, Ole Dorph (S) oqarpoq.
Mittarfiit tallineriinnaasigut takornariat aggialernavianngitsut, takornarissanullu sullissisoqarluarnissaa pingaaruteqartoq, Visit Greenlandimi pisortaq Anders Stenbakken siornatigut oqarpoq.
Aamma atuaruk Visit Greenland: Asfalti takornariat pilerigisarinngilaat
Qimussiussisussat qaleralinniarusunnerunerat pissutigalugu kinamiut takornariat qimussersinnaannginnerat upernaaq uitsatigineqarpoq.
Aamma atuaruk Kinamiut takornariat qimussiussisussaqanngillat
Taamaakkaluartoq Ilulissani takornarianut sullissineq ajoqutissaqarujussuanngitsoq, Ole Dorph isumaqarpoq.
- Nalunngilarput ukiut kingulliit arlalissuit takornarissat amerlasoorpassuit Ilulissanut orniguttartut. Aamma susassaqartinneqartuartarput, susassaaleqitinneqarneq ajorput, Qaasuitsup Kommuniani borgmesteri Ole Dorph taama oqarpoq.
Aamma atuaruk Iluliarmiut kinamiut oqaasii atorlugit tikilluaqquaat
