Ilulissani eqqumiitsuliaq silap pissusiata allanngoriartorneranik sammisaqartoq
Nunarsuarmit tamarmit takornariat Ilulissat kangerluanut sermeq iigartartup iseqqaneranut malinnaajartortarput.
Ukioq manna aamma taama iliorsinnaassapput. Piffissamili aggersumi iluliarsuit kisimik sammineqassanngillat.
Sermit iigartartut iseqqasut akornanni eqqumiitsuliaq sapaatip akunnerata missaani puttassaaq.
Belgiamiut hollandimiullu eqimattat eqqumiitsuliortoqatigiit Schscht Ilulissani eqqumiitsulianik katersugaasivik suleqatigalugu kangerlummi oqqassaarutaalaartumik eqqumiitsuliorniarput.
Schscht eqqumiitsuliortoqatigiiupput, tassanilu Hollandimeersoq Koosje Schmeddes aamma Belgiameersoq Dirk Schellekens ataatsimoorlutik. Taakku Europami katersugaasivinni assigiinngitsuni eqqumiitsulianik takuneqarsinnaasunik akuliunnernillu 2020-mili eqqumiitsuliortarput.
Soqutigittaassuseqarneq ersersinniaraat
Eqqumiitsuliortut marluk eqqumiitsuliamik katersugaasivinnit, toqutsiffiusimasumit qimuttuitsoqarfinnilu peqqussummit ilisimaneqarluartumit "PLEASE DO NOT CROSS"-imik (Qaangernagu, aaqq.) isumassarsiaminnik, 10 meterimik takissuseqartumik imaanut igitsiniarput.
Eqqumiitsulialli puttasussap allagartaa "PLEASE DO NOT CARE"-iussaaq (Soqutiginngitsuusaaginnaruk, aaqq.). Taannalu sassumap arnaata isumaa apeqqutaalluni - Ilulissani sumiiffinni assigiinngitsuni aggustimi sapaatip akunnerata aappaani nassaassaajumaarpoq.
Eqqumiitsuliortut marluk "peqqussummut imminut assortuuttutut" taasaanni nunarsuarmi pingaartinneqanngitsumut timitaliisoqarpoq.
Imminissarsiornermik ersersitsiniareersimasut
Eqqumiitsuliortoqatigiit isuma akerleriiffiusinnaasoq pillugu Venedigimi langunimi sumiiffinni assigiinngitsuni 2022-mi suliaqalerput.
Taakku eqqumiitsuliamikkut saqqummersitsinikkullu aserujassuseq, qajannassuseq, kinaassuseq inooqataanerlu pillugit apeqqutit allat qaqittarpaat. Schschtip qinigassani aalajangikkagut namminerlu naalakkersuineq taakku malitsigisaat soqutiginartikkai, Ilulissani Eqqumiitsulianik Katersugaasivik saqqummersitsineq sioqqullugu, tusagassiuutinut nalunaarummi allappoq.
