Eqqumiitsuliortunngoriniat Katuami saqqummersitsisut
Nuummi Kulturikkut illorsuarmi Katuami iikkat pisarnermit maanna qalipaatigissaarnerupput. Nuummimi eqqumiitsuliornermik ilinniarfimmi ilinniartut ukiumi atuarfiusumi kingullermi suliatik saqqummersippaat.
Cecilie Christiansen siornatigut eqqumiitsiliornermik suliaqartareersimasoq sulianilu iluatsinngikkaangata unitsitsiinnartarsimasoq taakku ilagaat.
- Pingaarnertut ilikkarpara suliamik naammassinnissinnaanissaq. Taavalu pimoorullugu taavalu una isuma eqqorlugu suliarinngikkaanni isummap eqqorlugu angunissaata tungaanut suliarinissaa, Cecilie Christiansen oqarpoq.
Assigiinngitsorujussuarnik misiliisut
Eqqumiitsuliornermik ilinniarfimmi eqqumiitsuliornerit assigiinngitsorpassuit Cecilie Christiansenip ilinniartullu allat ilinniarpaat.
Marriorneq, akrylinik atuineq, tupilaliorneq pinngortitamik qalipaaneq ilaatigut suliaraat. Cecilie Christiansenillu marriorneq tiguartiffigilluinnarlugu oqaatigaa.
- Meeraallungali UFO-t nuannarisarigakkit soorlu upperersuaartarlugit piusut. Taava nammineq sanarusullugit misilinnikuuakka ukua.
- Anguniarusunneruara marriortunngornissaq kisianni paasinarsiumaarpoq qanoq isikkoqassanersoq.
Eqqumiitsuliornermik ilinniarfimmi ilinniartut tallimat saqqummersitaat takusarusukkukkit juunip 22-ata tungaanut periarfissaqarputit.
