Ilisimatuut sermimi misissuivitsik qimaannartariaqarsimagaat

Atortuvut poortuinnariarlugit aallaannartariaqalerpugut. Sermit ilaanni ilisimatusartut ilaat taama oqarpoq.
Rhonep sermia, Schweizimi Obergomsimiittoq, kiarujussuaqattaarnera pissutaalluni nungangajavilluni maanna aassimavoq. Assi © : Denis Balibouse/Reuters
Allattoq Ritzau
septembarip 03-at 2022 17:08

Schweizimi sermeq ukiunik 7000-nik pisoqaassusilik aasaq manna kiarujussuaqattaarnerani aassimavoq, sermillu allat aamma aangaatsiarsimallutik. Sermillu taama aatsiginerat pissutaallutik immikkut ilisimatusartut sulinertik unitsiinnartariaqarsimavaat, sermermi misissorniagartik aassimammat.

- Sermip piffissap taamaalinerani taama aatsiginissaa ilimagisimanngikkaluarparput, Mathias Huss, immikkut ilisimasallit Glamosimik taallugu suleqatigiiffianneersoq, taama oqarpoq.
Immikkut ilisimasallit ETH Zürichimi teknikkikkut ilisimatusarfik aallaavigalugu sermit ilisimatusarfigisarpaat.

- Corvatschip sermiani uuttortaanerit unitsiinnarneqarput, sermermi misissugassaaq nunguilluini aappoq. Atortuvut tamanna pillugu poortuinnarpavut misissuivippullu qimaannarlugu, Mathias Huss oqarpoq.

Silap pissusiata allanngoriartornera pillugu immikkut ilisimasallip Sebastian Mernildip, DTU Climate Clusterimik aqutsisup, pisut tupaallaatiginngilai:

- Ukiut qulikkuutaat kingulliit ingerlaneranni taama pisoqarneranik malinnaavugut, taanna oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk