Ilisimatusarfimmi Aalborgillu Universitetiani ilisimatusartutut ilinniagaqartut, Daniela Chimirri aamma Naja Carina Steenholdt

Ilisimatusartutut ilinniagaqartut Kujataani apersugassarsiortut

Ilisimatusarfimmi Aalborgillu Universitetiani ilisimatusartutut ilinniagaqartut marluk, Daniela Chimirri aamma Naja Carina Steenholdt, apriilip qulingiluaanit 19-ianut Kujataani misissuillutik angalassapput.

Taamaammat takornariartitsinikkut ineriartortitsineq aamma inuunerup pitsaassusia atugarissaarnerlu pillugit apersugassaminnik maanna pissarsiorput.

Angalanerminni Qaqortoq, Narsarsuaq Nanortalillu tikeraassavaat, taakkunanilu najugaqartunik suliniutigisatik pillugit apersorneqarnissaminnut soqutiginnittoqarnissaa neriuutigaat.

Daniela Chimirri takornariaqarnermik suleqatigiinnermillu ilisimatusartuuvoq. Nunatsinni takornariartitsinerup qanoq ineriartortinneqarsinnaanera misissorniarpaa, inuiaqatigiinnut sunniutigisinnaasai samminerullugit. Taamaammat takornariartitsinermik suliaqartut takornariatsitsinermik iliisimasallit imaluunniit tamatumunnga isummersorusuttut sapinngisamik amerlanerpaat suliniutigisaminut peqataatikkusuppai.

Naja Carina Steenholdt inuunerup pitsaassusianik atugarissaanermillu ilisimatusartuuvoq. Nunatsinni innuttaasut inuunerminni sunik naleqartitaqarnerinik pitsaasumillu inuuneqassagaanni suut pisariaqartinneqarnerinik misissuivoq. Taanna 18-it 40-llu akornanni ukiulinnik apersugassarsiorpoq.

Ilinniartut illoqarfinnut pingasunut qaqugu tikissanersut qanorlu attaveqarfigineqarsinnaanersut atnaani atuarneqarsinnaavoq.

Qaqortoq 9. - 13. april 2018
Nanortalik 13.-16. april 2018
Narsarsuaq 16. 19. april 2018

Daniela Chimirri aamma Naja Carina Steenholdt Facebookikkut attaveqarfigineqarsinnaapput ugguuna facebook.com/DaniChimirri imaluunniit facebook.com/najacarinasteenholdt.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl