Ilisimatusarfimmi kandidatinngortut arfineq-pingasut allagartartaarput
![](/sites/default/files/styles/image_934x467/public/ilisimatusarfik_dimission.jpg?itok=9OyFsnnM)
lisimatusarfimmi ullumi nalliuttorsiortoqassaaq, oqalugiartoqassalluni, nersornaatisitsisoqassalluni, ilasseqatigiittoqassalluni, erinarsoqatigiittoqarlunilu nipilersortoqassalluni.
Allagartartaartut marluk sulilluarsimanertik soraarummeernernilu angusarissaarnertik pillugu nersornaatisissapput, agguaqatigiissillugit karakterigissaarnerpaanertik nersorneqaatigissallugu. Akissarsitinneqartussat tassaapput teologiimi bachelorinngortoq Liv Molich. Taanna bachelorinngortuni agguaqatigiissillugu angusarissaarnerpaatut KNI-mit akissarsitinneqassaaq, agguaqatigiissillugu angusarisaa tassaalluni 11,1.
Aappaattut akissarsitinneqartussaq tassaavoq ingerlatsinermut kandidatinngortoq Naja Carina Steenholdt. Taanna kandidatini angusarissaarnerpaatut akissarsitinneqassaaq, agguaqatigiissillugit angusarisaa tassaalluni 10,2. Naja Carina Steenholdt Sulisitsisunit akissarsitinneqassaaq.