- Soorunami isumaat torraasaluarput, kisianni ilaatigut neriorsuutaat ilumoorsaarpallaartutut isigineq ajorpakka, inuussutissarsiornermi aningaasaqarnermik ilisimatusarnermik ukiup aappassaani ilinniartoq, Qulutaq Rosing Kleemann oqarpoq.Assi: KNR / Malik Kleist

Ilisimatusarfimmi ilinniartut: Politikerit neriorsuuteqarpallaarput

Transparency International Greenlandip misissuinera naapertorlugu innuttaasut politikerinut tatiginninnikippallaarput.

Peqquserlunnissamut akiuiniaqatigiiffiup, Transparency International Greenlandip misissuinera naapertorlugu innuttaasut politikerinut tatiginninnerat appasippoq.

Misissuinermi tassani akissuteqartut affaat Naalakkersuisuni politikerinut tatiginninnatik akissuteqarput.

KNR-ip Ilisimatusarfimmi ilinniartut marluk politikerinut qanoq tatiginnissuseqarnersut apeqquteqarfigai.

Misissuineq pillugu

  • Misissuineq nunatsinni siullermik 2016-imi ingerlanneqarpoq, nunattalu peqataaleqqinnissaa sulissutigaarpoq. Qujanartumik iluatsippoq, 2020-llu naanerani nunatsinni innuttaasut 700-t nunatsinni sumiiffinnit avannaanit kujataanut aamma nunaqarfinnit illoqarfinneersut ukiuilu assigiinngiiaartut misissuinermi peqataapput. Takujuminartumik misissuisoqarnera ilorrimaarutigingaatsiarparput.
  • Kalaallit misissuinerat nunat tamalaat akornanni peqquserluttuliortoqarneranik misissuisoqarnerata Global Corruption Barometerip ilagaa taanna Tranparency Internationalip misissuineraa.

Paasissutissarsiffik: Transparency International Greenland

- Nalunngilara ajunngittumik anguniagaqarlutik suliaqartartut. Kisianni qineqqusaaleraagamik qinertikkusuinnarlutik neriorsuivallaalaartartut isumaqarpunga.

- Soorunami isumaat torraasaluarput, kisianni ilaatigut neriorsuutaat ilumoorsaarpallaartutut isigineq ajorpakka, inuussutissarsiornermi aningaasaqarnermik ilisimatusarnermik ukiup aappassaani ilinniartoq, Qulutaq Rosing Kleemann oqarpoq.

AAMMA ATUARUK Misissuineq nutaaq: Politikerinut tatiginninneq naqqanneqqavoq

Inatsisartut qinikkanut tatiginninneq aamma pitsaavallaanngilaq.

Ilisimatusarfimmi oqaasilerinermik, atuakkialerinermik tusagassiuutilerinermillu ilinniartoq, Johanne B. Tobiassen tatiginninnerminik nammineq nalileeriaaseqarpoq:

 

 

- Naatsorsuuteqarsimaguma naatsorsuutigisakkalu naammassineqarsimappata nammineerlunga nalilissavara qanoq issanersoq tatiginninnera.

Neriorsuutaasartullu ilaat ukiunut sisamanut qinigaaffiup atuunnissaanut annertuallaartartut, Qulutaq Rosing Kleemann isumaqarpoq.

- Ukiut sisamanut qineqqusaartarput, taakkualu ukiut sisamat iluani sanilliussagaanni angorusutaat taakkua isumanni neriorsuutit amerlasuut ilumoorsaarpallaarneq ajoramik, Ilisimatusarfimmi ilinniartoq, Qulutaq Rosing Kleemann oqarpoq.

Nunatsinni tamarmi inuit 700-nit amerlanerusut Transparancy International Greenlandip misissuinerani peqataapput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl