Pituffik Ilisimasallit: USA-mut isumaqatigiissuteqarnissamut periarfissaqarpoq
Pituffimmi sullissinissaq pillugu sivisuumik isumaqatigiinngissimaneq Kalaallit Nunaata, Danmarkip USA-aallu isumaqatigiissuteqarnermikkut unitsissinnaalerunarpaat.
Nunanut allanut tunngasunut ministeri Kristian Jensen sisamanngornermi Nuummi tusagassiortunik katersuutitsinermi taama oqarpoq.
Taamaattumik neriuutigaara sapaatit akunnerini aggersuni akornatsinni isumaqatigiinniarnerit sukkatsikkumaartut, aammali amerikamiunik isumaqatigiinniarnitsinni.
Aamma atuaruk Pituffimmi kiffartuussinissamik isumaqatigiissutip annaaneqarnera
Nassuerutigaali kalaallit danskillu suliffeqarfiutaat 2014-imi neqerooruteqarsimasut immaqa amerikamiumut Exelisimut ajorsareersimasut.
Kunngeqarfilli Pituffik pillugu nutaamik isumaqatigiissuteqarnissaminut siunissami malittarisassaliornissamut suli periarfissaqarpoq.
Nunanut allanut tunngasunik Danmarkimi ilisimatusarfimmi danskit amerikamiullu pillugit ilisimatooq Mikkel Runge Olesen naliliivoq isumaqatigiinnissamut piffissaq ajunngilluinnartoq.
- Amerikami sakkutuut timmisartortartut sakkutooqarfitik eqqissisimatikkusuppaat. Danmarkillu Kalaallit Nunaatalu ajortumik pineqarnerminnik misigisimanerat toqqissisimanartinnagu. Taamaattumik suliaq una naammasserusuttorujussuugaat Olesen oqarpoq.
Aamma atuaruk Pituffimmik ilungersuuteqarneq iluatsinngilaq
Trumpip ivertinneqannginnerani isumaqatigiissuteqarneq
Donald Trump suniarnersoq ilisimaneqanngilaq - aamma januaarimi ivertinneqaruni Pituffik pillugu suniarnersoq.
Tamanna isumaqatigiinniarnernik unitsitsisinnaasoq Mikkel Runge Olesen naliliivoq.
Præsidentip ivertinneqannginnerani aaqqiagiinnginnerit ikinnerpaappata amerikami illersornissaqarfiup iluarissaqaa.
- Kalaallit Nunaannut Danmarkimullu aningaasarpassooratarsinnaapput, amerikamili sakkutuut timmisartortartut aningaasarpassuaateqartarput, uanilu aningaasat apeqqutaatippallaarunanngilaat. Isumaqatigiissuteqarusupput mittarfik pisariaqartitartik eqqissisimasumik isumannaarusullugu.
Donald Trump USA-mi præsidentitut aappaagu januaarip 20-anni ivertinneqassaaq.
Taamaalinerani Pituffimmi sullissisussarsiorneq ukiuni pingasungajanni ingerlanneqarsimassaaq.
Aamma atuaruk USA: Pituffimmi kiffartuussinerup ukiut 1-3 qaangiuppata suliarimannittussarsiuuteqqinnissaa ilimanarpoq
