Pituffimmik ilungersuuteqarneq iluatsinngilaq
Pituffimmi sullissinissamut isumaqatigiissummut ilungersuut angusaqarfiunngilaq. Qallunaat nunanut allanut tunngasunut ministeriat, Kristian Jensen, Nuummi tusagassiortunut sisamanngornermi katersortitsinermi taama nassueruteqarpoq.
Pituffimmi sakkutooqarfimmut tungatillugu Nunatta Danmarkillu imminnut pissuseqarfigeqatigiinnerat ilungersunarsimasoq, taassuma oqaatigaa.
Aamma atuaruk Pituffik pillugu isumaqatigiinniarnerit suli ingerlanneqartut
Taaamaappoq, naak aallaqqaataaniit siunertarissaarutaasumik naammassinnittumik isumaqatigiissusiorniarlutik sorsoqatigiikkaluarlutik. Tassalu pigineqatigiiffik kalaallinit qallunaanillu pigineqartoq isumaqatigiissuteqarfigineqassasoq, inuiaqatigiinnut kalaallinut iluaqutaasussamik, Kristian Jensen oqarpoq.
Tassalu ilungersuutit iluatsinngitsuulerput.
- Ilungersornitsinni, amerikamiut eqqartuussiveqarnikkut aaqqissuusaanerat unammillernartuusimavoq, ullumikkulli nassuerutigisariaqarparput, suliaq killiffissaminut pisimassagunartoq. ajoraluartumillu uanga nuannaarutiginngisannik inerneqartumik. Tassalu suliariumannittussarsiornerusimasup siulliup inernera atuustissasoq, nunanut allanut tunngasunut nministeri oqarpoq.
Aamma atuaruk Aaja: Pituffik pillugu allagaatit saqqummiunneqartariaqarput
Kisianni naak iluatsitsinngikkaluartugut tunniutiinnarnissamut suli piffissaanngitsoq, aamma erseqqissaavoq.
- Tassalu ataatsimoorluta suliassaqarpugut. Aallavigisatsinnut inisseqqinniassagatta, amerikamiunik isumaqatigiinniaqateqarnernissaq qulakkertariqqarparput. Kalaallit qallunaallu piginneqatigiiffiat ilumut suliarinnittussanngorlugu isumaqatigiissuteqarnissamut uteqqittariaqarpugut, iluaqutissartaat tamakkerlugit pissarsiaralugit, nunanut allanut tunngasunut ministeri, Krisitian Jensen oqarpoq.
