Assi: Thomas Rousing/Flickr Creative Commons

Ilinniartut malittarisassat nutaat pissutigalugit Danmarkimi juullisiortariaqartut

Ilinniagaqarnersiutit pillugit nutaamik nalunaaruteqalerneratigut kalaallit Danmarkimi ilinniagaqartut arlallit akiliunneqarlutik nunatsinnukarsinnaajunnaarput. Taamaammat ilinniartut juullerujummi Københavnimi juullisioqatigiinnissaannut Avalak qaaqqusivoq.

Ilinniagaqarnersiutit pillugit nutaamik nalunaaruteqalerneratigut kalaallit Danmarkimi ilinniagaqartut arlallit akiliunneqarlutik nunatsinnukarsinnaajunnaarput. Taamaammat ilinniartut juullerujummi Københavnimi juullisioqatigiinnissaannut Avalak qaaqqusivoq.

Danmarkimi ilinniagaqartorpassuit Nunatsinnut juullisioriakaaleruttorput. Ilinniartulli ilaat ilaquttatik Nunatsinniittut ilaginagit juullisiortariaqarput.

Taakku ilagaat Danmarkimi ilinniagaqartut kattuffianni Avalammi siulittaasup tullia, Nadine Kleemann. Taanna Københavnip Universitetiani ilinniakkamini Forsikringsmatematikkimi suliaqarnini pissutigalugu ukiut aappassaat Danmarkimi juullisiortariaqarpoq.

AAMMA ATUARUK Aarhusimi Avalaap unitsikkallarneqarnissaa pinngitsoortinneqartoq

- Siorna misigivunga Nunatsinni juullerpalaarnera maani Danmarkimi pigineqanngitsoq amigaatigivissorlugu. Taava eqqarsarpunga: Okay, ukioq manna maaneeqqissaanga, arlaatigut iliortariaqarpunga, allallu aamma taamatut eqqarsaateqarnissaat ilimagalugu’, KNR-imut taama oqarpoq.

Qaammatini siullerni qulingiluani akiliunneqarluni angalasoqarsinnaanngilaq

Taamaammat Avalammioqatinilu kalaallit Danmarkimi ilinniagaqartut Københavnimi juullerujummi katerisimaarnissaannut qaaqqusipput.

Kalaallit ilinniagaqartut arlallit ukioq manna Danmarkimi juulliortariaqarput. 

Kalaallit ilinniagaqartut ilinniagaqarnersiutaat pillugit nalunaarummi nutaami aasaq manna atuutilersumi, kalaallit ilinniagaqartut Namminersorlutik Oqartussanit akiliunneqarlutik qaqugukkut angalasinnaanerannut malittarisassat sukannernerulerput.

Siornatigut piffissami nammineq aalajangikkami akiliunneqarluni Nunatsinnut ukiumut ataasiarluni angalasoqarsinnaavoq. Tamannali Danmarkimi qaammatini qulingiluani ilinniareernerup kingorna aatsaat periarfissaalerpoq.

Malittarisassarlu taanna ilinniagaqartunut aasaanerani semesterimi Danmarkimi ilinnialersunut, qaammatinillu aqqaneq-marlunnit sivisunerusumik Danmarkimi ilinniagaqartussanut taamaallaat atuuppoq.

AAMMA ATUARUK Nunatsinni suliffeqarfiit kandidatitut ilinniarsimasunut Danmarkimi pilerisaarilersut

Kalaallit Danmarkimi juullisioqatigiinnissaat apersuutigineqartoq

Malittarisassat nutaat Danmarkimi ilinniagaqartut arlallit ujariatsinartikkaat, ilinniagaqartut kattuffiata Avalaap ukiaq ataatsimiinnerani paasinarsivoq.

- Juullimut tunngasunik apersuisut arlaqarput. Ilinniagaqartut ilaat nalunaarummit pineqartumit eqqugaapput sumunngarfissaqarpasigatillu. Taamaammat qanoq ikiorsinnaanerigut apeqqutigaat, Nadine Kleemann taama oqaluttuarpoq.

Decembarip 25-ani aaqqissuussineq Københavnimi Helligåndskirkenimi kalaallisut juullimi naalagiaqatigiinnermik nalunaaqutaq 14 aallarnerneqassaaq kingornalu kaffisoqatigiittoqassalluni. Kingusinnerusukkullu Kalaallit Illuutaanni Løvstrædemiittumi igaqatigiittoqassaaq.

AAMMA ATUARUK Avalak isornartorsiueqqittoq

- Naalagiaqatigiinnissatsinnut nereqatigiinnissatsinnullu pissutaavoq angerlarsimarpalaartikkusukkatsigu, igaqatigiikkuttalu sammisaqaqatigiissalluta. Taamaammat ilaqutariittut nuannisaqatigiinnertut issaaq julefrokostiunani, Nadine Kleemann taama oqarpoq.

Juullimi nereqatigiinnissamut nalunaarfissaq qaangiutereerpoq, soqutiginnittulli nerisassaminnik nammineq nassarlutik aaqqissuussinermut takkussinnaapput, Nadine Kleemann taama ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat