Nunatsinni suliffeqarfiit kandidatitut ilinniarsimasunut Danmarkimi pilerisaarilersut
Nunatsinni suliffissanik ukiumoortumik nittarsaassineq Aarhusimi arfininngorpat Københavnimilu tulliani sapaatiuppat ingerlanneqassapput.
Namminersorlutik Oqartussat nittarsaassinermik aaqqissuisuupput kalaallillu Danmarkimi ilinniagaqartut amerlanerusut ilinniareernerminni nunatsinnut utertinnissaat pingaarnertut siunertarineqarpoq.
Nunatsinni suliffeqarfiit nittarsaassisoqarnerani atorfinnut allagarsiussanik tigussaasunik ilinniagaqartullu sungiusaatigalugu suliffissaannik ilisarititsinissamut periarfissaqassapput.
Tamatuma saniatigut kandidatitut ilinniarsimasut Nunatsinni suliffissarsiornissaat Namminersorlutik Oqartussat aamma kissaatigigaat, Namminersorlutik Oqartussat nittartakkaminni taama allapput.
Nittarsaassinerit Aarhusimi Radisson Bluemi nal. 10, Københavnimilu Scandic Copenhagenimi tulliani sapaatiuppat nal. 10 ingerlanneqassapput.
