Ilinniartitsisunut sulinngikulaartunut atuarfik aaqqiissuteqarpoq

Ilinniartitsisut sulinngikulaaleraangata pisortamit oqaloqatigineqartarput, taamaasillutik atuarfimmi sulinngikulaartoqarnera appasitsinneqartoq, Minngortuunnguup Atuarfiani pisortaq, Nivi Efraimsen oqarpoq. 

- Minngortuunnguup Atuarfiani, semesterikkaarlugit atilersornagit nalunaarusiortarpugut ilinniartitsisut peqannginnerinik, taava pisussaatitaanerput malillugu, tassanilu takusinnaavarput 98 procentii sulilluartut, 2 procentiilu pitsanngorluinnartariaqartut, Nivi Efraimsen oqarpoq.

Minngortuunnguup Atuarfiani ilinniartitsisut ilinniartitsisut pisortallu katillugit 49-pput.

Ilinniartitsisut 49-t akornanni tallimat takkutinngitsuukulavallaartut pisortap oqaatigaa.

Ilinniartitsisoq sulinngikulatsippat, pisortaq peqqissutsimut tunngatillugu oqaloqatiginnittoqartarpoq tamannalu iluatsilluartoq oqaatigalugu.

- Suliffitsik nuannarinnginneraat tassani paasiniartarparput, taavalu arlaatigut artorsaateqaraangata immaqaluunniit nuanniilliuuteqaraangata, taanna nuanniilliiuut artorsaataalluunniit tassanngaanniit tigusarparput taanna ilinniartitsisoq oqilisaanniarlugu, nuunnermilluunniit kinguneqarsinnaasumik inerniliisoqartarluni, Minngortuunnguup Atuarfiani pisortaq, Nivi Efraimsen oqarpoq.