Shiamusliimit ilerfiartut sakkulersorsimasunit aallaasersorfigineqarmata, ikinnerpaamik inuit 16-it toqutaapput 240-llu ikiligaallutik. Musliimit palaserisimasaa imam-eq, ukiut 1200-t matuma siorna toqusimasoq, Bagdad-imi ilerfiarfigineqarnerata nalaani taama pisoqarpoq.
Imam Musa Kadhim-ip toqusimanera malunnartinniarlugu, shiamusliimit ilerfiartut 100.000-ilikkaat ukiut tamaasa ilerfiartarput, taakkualu akornanni toqutaasut ullumi 16-iupput.
Sakkulersortut unitsinneqarlutik, suna tamarmi aqunneqaqqilersimasoq, premierministerip Nuri al-Malikip allaffianeersoq Qassem al-Musssawi oqarpoq.
Ukioq kingulleq ilerfiat nalaanni qaartartumeerisoqarnissaanik inuit siorasaarneqalermata, inuit annilaangalerlutik qimarrammata, ilerfiat 965-it qimaaniartillutik nanertuunnermi toqorarput.