ICC-mi 2018-imi ulapittoqassasoq

Inuit Akornanni Ilinniartitaaneq pillugu ICC Kalaallit Nunaata aaqqissugaanik Nuummi februaarip ulluisa 13-iannit 15-iata tungaanut ataatsimeersuartoqassaaq, Canadamit, Alaskamit, Chukotkamit Nunatsinniillu peqataasoqassalluni.

Ilinniartitaanerup Issittumi nukittorsarneqarnissaanut Finlandip siorna 2017-imi siulittaasunngornermini anguniagaanut tamanna naapertuuppoq:

- ICC-p iluani tamassuma pingaartutut isigineqarneranut pissutaavoq, uagut aamma tamanna pingaaruteqarluinnartutut isigigatsigu, pingaartumillu suliniutivut marluk eqqarsaatigalugit, Hjalmar Dahl oqarpoq, Inuit akornanni ilinniartitaaneq pillugu ataasimeersuarnissaq, kalaallillu Saamillu piginnaasaminnik qaffassaaniarlutik kingusinnerusukkut isumasioqatigiissinneqarnissaat aamma eqqaallugit.

Davisstrædemi nunani marlunni silap pissusiata allanngoriartorneranik Pikialasorsuaq sikuneq ajortoq aqqusaarlugu umiarsuit angalasarnissaannut periarfissat ammaanneqarsinnaanerat aarleqqutigineqarpoq, "Sikukkut Ikaartut Kinguaavi: Siunissamilu Pikialasorsuaq" qulequtserlugu nalunaarusiaq suleqatigiissitamit saqqummiunneqaqqammerpoq, piujuaannartitsinerlu nunallu immikkoortuini aqutsineq tassaavoq ICC-p nalunaarusiami saqqummersitaa.

ICC "Inuit - Issittoq Uagut Pilluta"-mik qulequtserlugu Alaskap avannaarpiaani Utqiagvimmi, tassa Marraarniarfimmi aasaq manna juulip ulluisa 16-iannit 19-iata tungaanut taava ataatsimeersuartitsissaaq.

ICC-p ukiuni sisamani tulliuttuni siunnerfissai tassani aalajangerneqassapput, ICC-mullu tamakkiisumut siulittaasunngortussaq aamma qinerneqassalluni.