IA Doris J. Jensenimut tatiginnikkunnaarnermik taasititsiniartoq

Doris J.Jensenip benzinasiutaa pillugu suliaq pingasunngornermi ualikkut pissanganarsiallappoq. Inuit Ataqatigiit peqqissutsimut, isumaginninnermut inatsisilerinermullu naalakkersuisumut tatiginnikkunnaarnermik taasinissamik saqqummiussissallutik nalunaarput.

- Naalakkersuisut Siulittaasuata pisussaaffini malillugu suliaq naammassisinnaanngikkaa erseqqippoq, IA-p siulittaasua Sara Olsvig taassumalu tullia Aqqaluaq B. Egede allapput.

AAMMA ATUARUK Kukkunersiuisup atornerluineq annerusinnaasorigaa

Partiip ilaatigut maluginiarpaa, Doris J. Jensenip benzinamut allagartani tassungalu isissutissaq ataatsimoortitarisimagai.

- Naalakkersuisunut ilaasortap akiliutissamik kortimik tatigineqarluni atugassinneqarsimanermini mianersuaalliorluinnarsimanera Naalakkersuisutut atuunnissaanut naleqqukkunnaarsitsivoq.

KNRip Naalakkersuisoqatigiit ikorfartortaat, Demokraatit, attaveqarfigaat. Taakkua suliami isummernissaminni, kukkunersiuinermi Ataatsimiititaliap isumaliutissiissutaa utaqqeqqaarusullugu oqarput.

AAMMA ATUARUK Kukkunersiuinermut ataatsimiisitaliaq novembarip tungaanut oqassanngitsut