Benzinasiutissamik suliaq: Kukkunersiuinermut ataatsimiisitaliaq novembarip tungaanut oqassanngitsut
- Aappassaaneerinissamut inatsisartunut inassuteqatip suliarineqarnerani ilanngullugu taanna suliaq ingerlanneqartussaavoq, siulittaasoq Karl Kristian Kruse taama oqarpoq.
Inatsisartut Nunatta Karsiata 2017-imut naatsorsuutaasa marlunngornermi oktobarip qulingiluaani aappassaaneerlugu suliaraat.
kukkunersiuinermut ataatsimiititaliaq tamatuma kingorna isumaliutissiissusiorluni aallartippoq, inatsisartut taamaalillutik aalaajangiinissamut piareersimalluarniassammata.
AAMMA ATUARUK Kortit benzinasiutissat killiligaanngillat
Tassalu isumaliutissiissummi tassani binzinasiutissamik suliaq ilaassaaq.
Benzinasiutissaq naalakkersuisuunerminut atatillugu biiliminut atugassaattut naatsorsuussaavoq, taamaattorli angallammik orsiisinnaasutut naapertuutinngitsumik atorneqartarsimasoq paasineqarpoq.
Deloittesimit qulaarneqarpoq, benzinasiutissaq minnerpaamik 6.855 koruunit 45 oorillu nalinganut angallammut orsiissutigineqarsimasoq.
AAMMA ATUARUK Kortimik atuisarnerup sinaakkusersorneqarnissaa isumaliutigineqarsinnaasoq
Kukkunersiuinermulli ataatsimiititaliaq inatsisartunut qanoq inassuteqarumaarnersoq, sapaatip akunnerit pingasut qaangiuppata aatsaaat paasinarsissaaq:
- Kukkunermi ataatsimiititaliap inassuteqaataa novembarip 16-iani isumaliutissiissut naammassisimasussaavarput, taassumalu kingorna inatsisartunit naammassineqartussaavoq, kukkunersiuinermi ataatsimiititaliami siulittaasoq, Karl Kristian Kruse taama oqarpoq.
Kukkunersiuinermut ataatsimiissitaliap nunatta karsiata naatsorsuutai novembarip 27-ani inaarutaasumik suliarissavaat.
AAMMA ATUARUK Deloittep benziinasissutissaq pillugu misissuinera aana