Hotelinimi unnuinerit akileraaruteqanngitsumik sulinngiffeqarluni angalanermut aamma atuutilersut
Naalakkersuisut qitiusumik kattuffiillu isumaqatigiissusiorput, takornarialerisunut kattuffinnilu ilaasortanut iluaqutaasussamik.
Aningaasaqarnermut Naalakkersuisoq, Vittus Qujaukitsoq tusagassiutinut nalunaarummi taama allappoq.
Nunatsinni angalanermi aningaasat amerlassusiisa suliffimmit Københavnimut utimullu angalanerup bilitsip akiata qaangissanngilaa, angalanerlu Københavnimit utimullu angalanermit akikinnerusimassappat taava angalanermi tikitani unnuisarfinnut aningaasartuutit ilaannakortumik imaluunniit tamakkiisumik matussuserneqarsinnaalissapput.
Qitiusumik kattuffiit isumaqatigiissusiorfigineqartut tassapput PPK, IMAK, AK kiisalu ASG.
AAMMA ATUARUK Naalakkersuisut Air Greenlandilu: Timmisartumut billetsit akikitsut utertinneqarsinnaalerput
Coronap takornariartitsinermut ajornartoortitsinera pissutaalluni isumaqatigiissusiorneq pingaaruteqartoq kattuffiit oqaaseqaammi oqaatigaat:
- Ilaasortat amerlasuut Danmarkimut feriarnissamik eqqasuuteqarsimapput Corona peqqutigalugu. Aningaasat sinneruttut Kalaallit Nunaanni akileraaruteqanngitsumik hotelimiinnissamut ilaasortavut feriarnissamut periarfissaat pitsanngorpavut, ataatsikkullu Kalaallit Nunaanni takornariaqarneq ajornartorsiornermi ikorfartorlugu., kattuffiit ataatimoorlutik oqaaseqaatiminni oqarput.