Hollandimi sallunaveeqqutitut tingusarineqartut aninguipput
![](/sites/default/files/styles/image_934x467/public/2024-03/20240330-113419-L-1920x1283we.jpg?h=5ab8df3b&itok=tMhjJlll)
Hollandimi illoqarfiani Ede-miittumi, unnuaanerani ornittakkami sallunaveeqqutitut tingusarineqarsimasut tamarmik iperangaasimapput. ilutigalungulu sallunaveeqqutitut tingusarinnissimasutut pasineqartoq tingusarineqarsimavoq.
Nutaarsiassaqartitsivik AFP naapertorlugu, Hollandimiut politiiui medie X-imi taama allaaserinnissimapput.
-Sallunaveeqqutitut tingusarineqarsimasoq kingulleq iperangaaqqammerpoq. Inuk ataaseq paineqartoq tingusarineqarpoq. Annertunerusumillu paasissutissiisinnaanngikkallarpungut ualilersoq hollandimi politiit nalunaarput.
Angut sakkulisaartoq arfininngornermi ualilersoq, unnuakkut orninneqartartumi Cafe Petticoat-imi hollandimi Ede-miittumi, sallunaveeqqutitut tingusarinnissimasoq nalunaarutigineqarpoq
Hollandimi nutaarsiassaqartitsiviit naapertorlugit, angut isaasalerlugu "paatsiveerusimaartoq" sumiiffimmut isersimavoq, sioorasaarerpaluttumillu pissusilersorsimavoq. Oqaatigineqartut naapertorlugit inuit sisamat tingusareqqasimavai.
Illoqarfiup qeqqa politiinit matuneqarpoq najungaqarfiillu 150-it missaanniittut, unnuakkut ornittakkap eqqaaniittut, inuerunneqarlutik najunaqartuusut qimanngunneqarput.
Hollanidimiut politiiuisa akersuunnermi atisakkatik atisimavaat, qaartartulerinermullu immikkut ilisimasallit sumiiffimmi najuupputtaaq.
Sallunaveeqqutitut tngusarineqarsimasut pingasut siulliit iperangaapput. TV-kkut aallakaatitsivimmi NOS-imik taaneqartukkut, inuit pingasut tallitik qullarlugit anisut takuneqarsinnaasimapput.
Sivitsunngisoq tingusarineqarsimasut sisamaat iperangaavoq, qunusaaralunilu tingusarinnissimasutut pasineqartoq kinguninngua tingusarineqarpoq, taama AFP allaatiginnippoq.
Tingusarineqartut iperangaanerat tvkkut malinnaavigineqarsinnaasimavoq.
Qanusaaraluni tingusarinninneq toqusoqarani aqqunartoqaralunilu unitsinneqarpoq, AFP allaatiginnippoq, oqartussat naapertorlugit pisumi qunusiarinninnikkut anguniangaqartoqarneranik, terrorisme, pasitsaassassartaqanngitsoq.
/ritzau/