Henrik Skydsbergip oqaasii ataqqivaat

Qeqertarsuarmi kinguaassiutitigut atornerluisarsimanernik kannguttaatsuliorfiginnittarsimanernillu misissuisimanermut tunngatillugu naatsorsueqqissaartarfimmik HS Analysemik ingerlatsisup, Henrik Skydsbergip, isornartorsiuineranut Qeqertarsuup Kommunea oqaaseqarpoq.

- Siullermik Henrik Skydsbergip oqaaserisimasai ataqqivagut, namminerlu naliliisimanini akisussaaffigaa. Qeqertarsuup Kommuneata peqqissaaviullu suleqatigiilluta misissuisimanitsinni siunertaraarput, kinguaassiutitigut atornerluisarsimanerup kannguttaatsuliorfiginnittarnerullu pissusissamisuunnginnerat pillugu qaammarsaanissarput, minnerunngitsumillu saqqummmiukkusukkatsigu, inuit eqqugaasut sullinneqarneranni sapinngisamik pisortanik tunuliaquteqartarnissaat, Qeqertarsuup Kommuneani inunnik isumaginninnermi pisortaq, Stina Mølgaard, allappoq.

Stina Mølgaardip erseqqissaatigaa misissuinermi kisitsisit saqqummersut, eqqugaasut annertuumillu innarlerneqartartut qangiiniarnerinut sullissinermi tunngavissatut atorneqarnissaat, misissuinermut siunertaasimasoq.

- Suliniutip siunertaraa kinguaassiutitigut atornerluisarnerup kannguttaatsuliorfiginnirtarnerullu ammasumik eqqartorneqartuarnissaa suliniuteqarfigiuarnissaalu, Stine Mølgaard allappoq.

Stine Mølgaardip akissuteqaammini, Ilaqutariinnermut Pisortaqarfiup Peqqissutsimullu Pisortaqarfiup tungaanniit isummersuutinik tusagaqarumaarnissartik aamma neriuutiginerarpaa.