Inuussutissarsiutit

Ukioq 2017 aalisarfiulluarsimanngilaq

Aalisarneq 2017-imi ilorraap tungaanut ingerlasimanngilaq, tunisammi ukiup siulianut sanilliullugit procentinik arfineq marlunnik ikilisimapput.

Allattoq Kenneth Elkjær

marsip 28-at 2018 09:37

Nutserisoq Bikki P. Kleist

Kisitsisit nutaat Kalaallit Nunaanni naatsorsueqqissaartarfiup saqqummiussaanni tamanna atuarneqarsinnaavoq.

Tunisat 2017-imi naapertorlugit qalerallit, saarulliit raajallu ikiliartuinnavipput.

Tunisat ikileriaraluartut tunisat nalingi 10 procentimik aamma ikileriarsimapput.

Pingaartumillu qalerallit tunisat 2016-imit 2017-imut sanilliullugit 21 procentimik ikileriarsimapput.

Saarulliillu tunisat qaleralinnut sanilliullugit ajorpallaanngillat tunisammi ikileriaataat 10 procentiuvoq.

Raajanillu tunisat 2 procentimik taamaallaat appariarsimapput.

Taamaattoq nipisannik saattussanillu tunisat siorna amerleriarsimapput.