Politikki

Hardenberg pisortatigoortumik tunuarpoq

Pisortatigoortumik nalunaarutigineqarpoq. Svend Hardenberg Naalakkersuisut siulittaasuata naalakkersuisoqarfiani pisortaanertut marsip naanerani atuutilersumik tunuassaaq. Kingoraartaa, Søren Hald Møller, tusagassiorfinnut nalunaaruteqarluni taama allappoq.

Allattoq Camilla Dam

marsip 16-at 2015 08:37

Nutserisoq Simon Uldum -

- Isumaqatigiissut imarisaalu pillugit tamanut inunnulluunniit ataasiakkaanut oqaaseqartoqassanngitsoq illua’tungeriinnit isumaqatigiissutigineqarpoq, nalunaarummi allaqqavoq.

Svend Hardenberg atorfimminit februaarip 24-ani tunuartinneqarpoq, "atorfimminit tunuartitaagallartutut" oqaatigineqarluni. Aleqa Hammondip Naalakkersuisunut siulittaasunngornerani naalakkersuisoqarfimmi pisortaanertut toqqarneqarpoq 2013-imilu juulip aallaqqaataani atuutilersumik sulilerluni.

Aamma atuaruk Hardenberg pillugu

Kingorna pisimasut nuannerpallaanngitsut arlallit qulaajaaffigineqarput: Suliffigisimasaani Nukissiorfinni oqarasuaatinik internettimillu atornerluisimaneq, Aleqa Hammondip nunatta karsianik atornerluisimanera toqqorterniarlugu kontumik immikkut ittumik pilersitsineq kiisalu Folketingimut ilaasortap Nick Nielsenip Pituffimmi sakkutooqarfimmi kiffartuussinissamik isumaqatigiissutip annaaneqarneranut atatillugu Siumup danskillu nunanut allanut tunngasunut ministereqarfiata akornanni suleqatigiissimanerannik oqaatigisaminut naqqiuteqaqqullugu pisortatigoortumik allaffiginerani namminerisaminik e-mailiminik atuisimanera.

Aamma atuaruk Namminersorlutik Oqartussani pisortat akornanni suleqatigiinneq ilaatigut ilungersunarsimaqaaq

Svend Hardenbergip Naalakkersuisut Siulittaasuata Naalakkersuisoqarfiani pisortaanermini sulisimaneranut Namminersorlutik Oqartussat qutsavigaat, Søren Hald Møllerilu naalakkersuisoqarfimmi pisortaagallassaaq.

Aamma atuaruk Hardenberg naalakkersuisoqarfiup pisortaatut atorfimminit tunuartinneqarpoq