Ritzau Nunanit allanit

Guaidó Madurolu sakkutuunik tapersersorteqarnerartut

Venezuelap præsidentia Nicolas Maduro, nunami tassani illersornissaqarfimmit tapersersorteeruttoq, illuatungiliuttut siuttuata Juan Guaidóp oqaatigaa.

Allattoq Ritzau

maajip 01-at 2019 08:29

Nutserisoq Mads Lynge

Venezuelap illoqarfiisa pingaarnersaanni Caracasimi akerliussutsimik takutitsisoqarlunilu eqqissiviilliortoqareersorlu Guaidó Twitterikkut taama allaaserisaqarpoq.

Tapersersortimi Maduromut akerliunertik takuteqqissagaat, taassuma kaammattuutigaa.

Nicolas Maduro kingorna taava nammineq qisuariaateqarpoq, illersornissaqarfimmi qullersat akornanni tapersersorteqarnini nalunaarutigalugu.

AAMMA ATUARUK Tusagassiortut allamiut Venezuelami iperagaasut

Maduro tv-kkut aallakaatinneqartukkut oqalugiarpoq, Venezuelap illersornissamut ministeria aamma peqataalluni. Nutaarsiassaqartitsivik Reuters taama allaaserisaqarpoq.

Illuatungiliuttut siuttuata Venezuelami mumisitseriarsimanerata pinngitsoortinneqarsimanera, Madurop oqalugiarnermini erseqqissaatigaa.

Inuit 70-init amerlanerusut eqqissiviilliornerni aqqunartitersimasut, nutaarsiassaqartitsiviup CNN-ip allaaseraa.

/ritzau/

AAMMA ATUARUK USA Venezuelap uuliasiorneranut pillaatissanik nutaanik aallartitsisoq