Tusagassiortut allamiut Venezuelami iperagaasut
Tusagassiortut tallimat tassa franskit marluk, colombiamut marluk spaniamiorlu ataaseq Venezuelami tigusaaqqasut oqartussanit iparagaapput.
Allattoq Ritzau
februaarip 01-at 2019 08:52
Nutserisoq Marie Kûitse Kristensen
Tusagassiortut Nicolas Maduromut akerliussutsimik takutitsisoqarneranik ilanngutassiorsimanerat pissutaalluni pingasunngormat tigusaapput.
Venezuelami tusagassiortunik tigusarinninneq aatsaat siullermiinngilaq. Naalagaaffik tusagassiortunut akeqqersimaaraangami tamaviaartarpoq.
Taamatut tusagassiortunik tigusarinninneq arlalinnik qisuariaatigineqartarpoq, ilaatigut kamannermik.
- Tusagassiortut suliassaminnik naammassinnissinnaanerat periarfissaasariaqarpoq, EU-mi nunanut allanut ministeri Federica Mogherini Bukarestimi ataatsimeereerluni oqarpoq.
/ritzau
