Great Greenlandip ammerivia matugallassaaq
Great Greenlandip amernik pissarsiniarnera naliginnaanngitsumik ajornakusoorsimasoq, suliffeqarfiup Qaqortumiittup pisortanera tusagassiutinut allagaqarluni nassuiaavoq.
- Amiutigut tunisassiorfiup ukiaq ukiorlu tamaat ingerlatiinnarnissaanut naammanngilluinnarput, taava maannangaaq iliuuseqarusunneruvugut, pisortaaneq Ditte Sorknæs allappoq.
Ammit ukioq manna maannamut 16.000-iinnaat tunineqarput, 2015-imi 23.000-it tunisaasut. Ingammik juuli qaammat ajorsimavoq. Amernik 5600-inik pisissalluni Great Greenlandip naatsorsuutigisimagaluarpaa, 1700-innaalli pisiaralugit.
Ditte Sorknæsip erseqqissarpaa maanna iliuusertik sipaarniarnerunngitsoq::
- Tunisat ikinnerinut sila aqussinnaanngisarpoq peqqutaavoq, akunnattoornarporlu. Amernut akit qaffassimapput, pisisartugullu arlallit amernik amigaateqarput. Taamaammat amissaaleqinerput piffissamik eqquinerlunnerusinnaanngingajappoq.
Great Greenlandip ammerivittaa kisimi septembarimi matoqqassaaq. suliffeqarfiup immikkoortui allat ingerlaannassapput. Sulisut katillutik arfimeq pingasut eqqugaassapput.
