Great Greenland atisanik nittarsaanngiinnartoq
Ukiulli siuliani saqqummersitsisarnermisut iliuuseqanngilaq. Tamanna allannguuteqarsimasoq, pisortap Ditte Sorknæsip oqaatigaa.
- Ukiuni kingullerni takutitsereeraangatta tusagassiortuniit qisuariaasaatartut tassaapput: takutitatta attorlugit misissorneqarsinnaanerat pisariaqartinneqartaraluartoq, Ditte Sorknæs oqarpoq.
Great Greenlandip pooqattat taske-t kavaajallu nutaat arfineq marluk nivingatillugit ukioq manna takusassiaraat - akunnernilu pingasuinnarni saqqumisussaatillugit.
- Imaaliorpugut, atisanik saqqummersitsinersuarni assiliisoqarsinnaasarneratulli assileerusukkuit assiliisinnaavutit. Taamaliornitsinnilu pisisartut tusagassiortullu soqutiginnivissut toqqaannaq oqaloqatigisinnaavagut. Takutitsinerinnarmilu tuniniagarisartakkatsinnik takunniinnarsinnaasaraluarlutik pigisagut attorlugit maanna misissorsinnaavaat, Ditte Sorknæs oqarpoq.
Københavnimi tallimanngorpat tungaanut saqqummersitsinersuaqartussaavoq.