Kalaallit Bornholmimi qassimiuaarnermi aaqqissuusaat nuannarineqarluarpoq

- Ammassassuaataat pitsassuupput, Air Greenlandip pisortaanera Jacob Nitter Sørensen pisuni najuutereertoq naammattoratsigu oqarpoq. 

- Ajunngeqaaq. Naatsorsuutigisamit pitsaaneruvoq, pisortaq oqarpoq.

Royal Greenland, Telepost, Royal Arctic Line aamma Air Greenland qeqertami seqinnernertuumi ullumi aaqqissueqatigiipput.

- Taamaattumik siullerpaamik suliaqarluni pissanganartuaannarpoq. Inuit 100.000-it qassimiuaarput 3000-inillu amerlanerusunik aaqqissussisoqarpoq. Tassalu  ussagarneqarnnissamut allarpassuit unammivugut. Taamaammat Kalaallit Nunaanni inuussutissarsiortut siuttuinut sisamanut ilumut tusarnaarusuttoqassanersoq pissanngatigisimavarput,  Timmisartuutileqatigiiffiup pisortaanera oqarpoq. 

AAMMA ATUARUK Kalaallit Nunaat assigiinngisitaartoq suliffeqarfiit nunatsinneersut takutinniarpaat

Taamali ernummatissaqarsimanngikkaluarpoq.

- Soqutiginnittoqaqaaq. Oqallinerit nuannersut, apeqqutit pitsaat nuannarineqarnerlu. Taamaammat naatsorsuutigisatsinnik pitsaanerusoq oqarusuppunga, pisortaaneq oqarpoq.

Nunatsiinneersur oqallitsipput, kalaallinik nipilersortpoqarput, assinik saqqummersitsipput kalaallillu mamartuutaannik ussiisistsillutik. 
Bornholmilu nunatsinneersunit immaqa tikerarneqanngilaq.

- Siunisssami taamaliortalertariaqartugut maanna aaqqissuussami pissarsiavut takutistsipput. Nunatsinnummi tunngasunik pitsaasumik takutitsinissamut iluaqutaavoq nunatsinnilu inuussutisarsiutinik ineriartortitsineq siuariartorsinnaanerlu ikorfartorlugit, Jacob Nitter Sørensen oqarpoq.